வாழ்க்கைத் துணையுடன் இணைந்து திட்டமிடுங்கள்

இரண்டு வருடங்களுக்கு முன் பெங்களூருவில் இருந்து முப்பது வயது பெண்மணி ஒருவர் என்னை சந்தித்தார். அதற்கு சில மாதங்களுக்கு முன்பு வரை அவர் இருந்தது அமெரிக்காவில். அவர் கணவருக்கு அங்கே ஐ.டி. கம்பெனியில் வேலை. இரு குழந்தைகள். குதூகலமாகத்தான் போய்க்கொண்டிருந்தது அவர் குடும்பம்.

திடீரென அவர் கணவர் இறந்துபோக, அந்தப் பெண்மணிக்கு என்ன செய்வதென்றே தெரியவில்லை. கணவர் சம்பாதித்தப் பணம் எந்த வங்கியில் உள்ளது, யாரிடம் எவ்வளவு பணம் தந்திருக்கிறார், இன்ஷூரன்ஸ் ஏதாவது உள்ளதா… இந்த மாதிரி எந்த கேள்வியையும் அந்தப் பெண்மணி தன் கணவரிடம் கேட்டதில்லையாம். அவருக்குத் தெரிந்ததெல்லாம், பெங்களூருவில் தன் கணவர் வாங்கிய ஒரு வீடு மட்டுமே.

ஒரே நாளில் அவருக்கு உலகமே தலைகீழாக மாறிப்போனது. ஆறுதல் சொல்லக்கூட பக்கத்தில் யாருமில்லை. உடன் வேலை பார்த்த அன்பர்கள் அனைவரும் கூடி அவருக்கு முறைப்படி கிடைக்கவேண்டியதை எல்லாம் கிடைக்கச் செய்தனர். அவற்றில் முக்கியமானது, வேலை செய்த நிறுவனம் அனைத்து ஊழியர்களுக்கும் தரும் டேர்ம் இன்ஷூரன்ஸ். கிட்டத்தட்ட இரண்டு லட்சம் டாலர் பணம் டேர்ம் இன்ஷூரன்ஸ் மூலம் கிடைத்தது.

அந்தப் பணத்தை ஆதாரமாக வைத்துதான் இந்தியா விற்கு குடிபெயர்ந்து, இன்று தனது குழந்தைகளுடன் ஒரு புதிய வாழ்வை நடத்தி வருகிறார் அந்தப் பெண்மணி. தன் குடும்ப நிதி நிர்வாகத்தைப் பற்றி ஆரம்பம் தொட்டு அக்கறை எடுத்துக்கொள்ளாததே தான் செய்த பெரிய தவறு என்று சொல்லி வருத்தப்பட்டார் அந்தப் பெண்.

இன்னொரு சம்பவத்தையும் சொல்கிறேன். கும்பகோணத்தில் ஆச்சாரமான குடும்பத்தில் பிறந்த பெண்மணி ஒருவர். அவருக்குத் திருமணமாகி, சவுதி அரேபியாவில் வேலை பார்த்துவந்த அவர் கணவருடன் செட்டிலாகி விட்டார். ஐந்து வருடங்களுக்கு முன்பு ஏற்பட்ட ஒரு கொடிய விபத்தில் அவரது கணவர் திடீரென இறந்துவிட, அவருக்கு இன்ஷூரன்ஸ் செட்டில்மென்ட் தொகையாக 50 லட்சம் ரூபாய் கிடைத்தது.

அந்தப் பெண்மணிக்கு இந்தப் பணம்தான் வாழ்வாதாரம். அந்தப் பணத்தை எடுத்துக் கொண்டு ஒரு புதிய வாழ்வை ஆரம்பிக்கப் புறப்பட்ட அந்தப் பெண்ணுக்கு திடீரென்று குழப்பம். தனக்கு இன்ஷூரன்ஸ் மூலம் கிடைத்த பணம் பாவப் பணம். தன் கணவன் இறந்ததினால்தானே கிடைத்தது? அந்தப் பாவப் பணம் தனக்கு வேண்டவேவேண்டாம் என்று முடிவு செய்து, தனது சொந்தபந்தங்களுக்கு பிரித்துக் கொடுத்துவிட்டார்.

இப்போது வேறு எந்த ஆதரவும் இல்லாமல், ஒரு சிறிய வேலை செய்துகொண்டு தனது வாழ்வை நடத்தி வருகிறார். நிதி சார்ந்த விஷயங்களை அவர் சரியாகப் புரிந்துகொண்டிருந்தால், அந்த இன்ஷூரன்ஸ் பணத்தைப் பாவப்பணம் என்று அவர் நினைத்திருக்கவே மாட்டார்.

ஆக, எதிர்கால வாழ்க்கையை நிம்மதியாக கழிக்க நீங்கள் என்ன திட்டம் போட்டாலும், அதை உங்கள் வாழ்க்கைத் துணையுடன் (கணவன்/மனைவி) சேர்ந்து செய்தால், பிற்காலத்தில் ஏற்படும் பிரச்னைகளை தவிர்ப் பதற்கும், உங்களது வாழ்க்கைத் துணை தனது சொந்தக்காலில் நிற்பதற்கும் ஒவ்வொரு கணவன் – மனைவி கடைப்பிடிக்கவேண்டிய விஷயங்களை ஒவ்வொன்றாகச் சொல்கிறேன்.  

1. கணவன் – மனைவி இருவருக்கும் பான் கார்டு, தேர்தல் ஆணைய அடையாள அட்டை, பாஸ்போர்ட், ரேஷன் கார்டு போன்றவற்றை தயார் செய்து வைத்துக்கொள்ளுங்கள்.

2. ஒவ்வொரு வங்கி அல்லது நிதி சார்ந்த கணக்கையும் கணவன் – மனைவி இருவரின் பெயரிலும், அதேசமயத்தில் எந்த ஒரு நபர் வேண்டுமானாலும் ‘ஆபரேட்’ செய்யும்படி அமைத்துக்கொள்ளுங்கள். வருமான வரி அல்லது வேறு காரணங்களுக்காக தனித்தனியாக வங்கி மற்றும் நிதி சார்ந்த கணக்குகளை வைத்துக்கொண்டால், ஒருவர் மற்றொருவரை நாமினியாக தேர்வு செய்துகொள்ளலாம். ஒருவர் கணக்கை மற்றொருவர் பார்க்கும்படி இருப்பதும் முக்கியம்.  யூஸர் ஐ.டி. மற்றும் பாஸ்வேர்டை தயவு செய்து உங்கள் வாழ்க்கைத் துணையுடன் பகிர்ந்துகொள்வது அவசியம்.  

3. உங்கள் வாழ்க்கைத் துணை, ஹவுஸ் ஒய்ஃப் அல்லது ஹவுஸ் ஹஸ்பென்ட் என்றால், அவரை வங்கிக் கணக்குகள் போன்ற நிதி சார்ந்த செயல்களைச் செய்ய ஊக்கப்படுத்துங்கள். வங்கிக்குச் சென்று காசோலையை டெபாசிட் செய்வது, ஏ.டி.எம்.-க்கு சென்று பணத்தை எடுத்து வருவது போன்ற வேலைகளைச் செய்ய ஊக்குவியுங்கள்!

4. இன்றைய இன்டர்நெட் உலகில், கணக்குகளுக்கு பேப்பர் ஸ்டேட்மென்ட் வாங்குவது பாவம் என்றாகிவிட்டது. ஏதாவது அசம்பாவிதம் நிகழும்போது, நமது வாழ்க்கைத் துணை எங்கு, எதில் கணக்கு வைத்திருக்கிறார் என்பது தெரியவேண்டும். அதற்கெல்லாம் ஆரம்பம் வங்கிக் கணக்கு தான். ஆகவே, வங்கி கணக்கிற்கு பேப்பர் ஸ்டேட்மென்ட் ஆப்ஷனை தேர்வு செய்து கொள்ளுங்கள்.

5. ஒவ்வொரு நிதி சார்ந்த முடிவுகளையும் கணவன் – மனைவி என இருவரும் சேர்ந்து எடுங்கள் – அது வீட்டுக் கடனாக இருக்கட்டும் அல்லது டேர்ம் இன்ஷூரன்ஸ் ஆகட்டும், இருவரும் இணைந்தே செய்யுங்கள்.

6. சிலர் சொந்தபந்தங்களுக்கு / நண்பர் களுக்கு எழுத்துமூலமாக அல்லாமல், வெறும் வாய்வார்த்தையாகப் பேசி கடன் தருவார்கள். அப்படி ஏதேனும் தந்தால், அதை ஒரு டயரியில் தேதிவாரியாக எழுதி வைத்துவிடுவது அவசியம். பிராமிஸரி நோட்டின் அடிப்படையில் கடன் ஏதேனும் தந்திருந்தாலோ, வாங்கியிருந்தாலோ அவற்றிற்கு நகல் எடுத்து ஃபைலில் வையுங்கள்.

7. மியூச்சுவல் ஃபண்ட்/ பங்குகள்/ ஆர்.டி/ டெபாசிட் போன்ற முதலீடுகளை இருவர் பெயரிலும் தனித்தனியாகவோ (50:50) அல்லது ஜாயின்டாகவோ வைத்துக்கொள்ளுங்கள். அந்த முதலீடு பற்றிய ஆவணங்களை ஃபைல் செய்வதோடு, உங்கள் வாழ்க்கைத் துணைக்கும் தெரிவியுங்கள்.  

8. உங்களது நிதி ஆலோசகர், ஆடிட்டர், வங்கி மேலாளர் மற்றும் நிதி சம்பந்தமான தொடர்புகளின் முகவரி மற்றும் எண்களை வாழ்க்கைத் துணைக்கு தெரிவியுங்கள்.

9. வங்கி, இ-மெயில் மற்றும் பிற ஆன்லைன் சேவைகளுக்கு உண்டான யூஸர் ஐ.டி மற்றும் பாஸ்வேர்டை இணையதள முகவரியோடு சேர்த்து ஒரு மைக்ரோசாஃப்ட் வேர்டு அல்லது எக்ஸெல் டாக்குமென்டில் பதிவு செய்துவையுங்கள். அந்த டாக்குமென்டை உங்களுக்குப் பிறகு உங்கள் வாழ்க்கைத் துணை மட்டும் பார்க்கிற மாதிரியான தகவல்களைப் பகிர்ந்துகொள்ளுங்கள்.

10. உங்கள் முதலீடு, இன்ஷூரன்ஸ், வங்கி மற்றும் நிதி சார்ந்த அனைத்து பேப்பர் டாக்குமென்டுகளை யும் ஒரே ஃபைலில் வைத்திருப்பதுபோல, கம்ப்யூட்டரிலும் ஒரே ஃபோல்டரில் போட்டு வையுங்கள். இதை உங்கள் வாழ்க்கைத் துணைக்கு தெரியப்படுத்துவதோடு, அதை அடிக்கடி உபயோகிக்க ஊக்குவியுங்கள்.

11. இருவரும் தனித்தனியாக கிரெடிட் கார்டு வைத்துக்கொள்வது நல்லது. இருவருக்கும் சிபிலில் கிரெடிட் ஸ்கோர் தனித்தனியாக பதிவாகும். அன்றாட வாழ்க்கையில் நீங்கள் கடன் வாங்கச் செல்லும்போது இது மிக உதவியாக இருக்கும். மேலும், எதிர்காலத்தில் ஏதாவது அசம்பாவிதம் நிகழும்போது, உங்களது பார்ட்னருக்கு இது நிச்சயம் உதவும்.

12. வீடு வாங்கும்போது இருவரும் ஜாயின்டாக வாங்குவது நல்லது. இருவரும் தனித்தனியே வரிச் சலுகை (டாக்ஸ் கிரெடிட்) பெறலாம். தவிர, உங்கள் வாழ்க்கைத் துணைக்கு வீடு பற்றிய அறிவும் கிடைக்கும்.

ஆக மொத்தத்தில், கணவனும் மனைவியும் இணைந்து செய்யும் நிதி தொடர்பான விஷயங்களை செய்யும்போது அது சரியான முதலீடாக அமைவதோடு, ஒட்டுமொத்த குடும்பத்துக்கும் எப்போதும் பயன்படும்!

நன்றி:

நன்றி:- நாணயம் விகடன்

• 20-30 வரை – இளமைத் திட்டம் ஓஹோ வாழ்க்கை!
• அதிக டிவிடெண்ட் தரும் பங்குகள்
• அள்ளிக் கொடுக்கும் அல்டிமேட் பங்குகள்
• அழகில் வருதே அசத்தல் வருவாய்
• இந்தியாவுக்கும் வருமா இஸ்லாமிய வங்கி?
• உங்கள் குழந்தையும் இனி சேமிப்புத் திலகம்
• எக்ஸ்ட்ரா வருமானத்தை எப்ப்டி சேமிக்கலாம்?
• கிரெடிட் கார்டு மறக்கவே கூடாத 20 விஷயங்கள்
• தங்க நகைச் சீட்டு
• நாளைய நிம்மதிக்கு இன்றைய பிளான்கள்
• பிராவிடண்ட் ஃபண்ட் ஏ டூ இசட்
• பெஸ்ட் ரிட்டையர்மென்ட் பிளான்
• மாத சேமிப்பு… மெகா லாபம்
• மியூச்சுவல் ஃபண்ட் (பரஸ்பர நிதி) முதலீடு லாபகரமானதா?
• ஷரியா முதலீடு
• ஹாபியிலும் பார்க்கலாம் காசு
• 

மின்னலில் இருந்து மின்சாரம்!

அளவற்ற மின்சக்தியின் வெளிப்பாடுதான் மின்னல் என்று படிப்பவர்களுக்கு, அந்த மின்சாரத்தை ஈர்த்துப் பயன்படுத்த முடியுமா என்ற யோசனை பிறந்திருக்கக்கூடும். ஆச்சரியப்படாதீர்கள், எதிர்காலத்தில் அது சாத்தியமாகும் வாய்ப்பிருக்கிறது!

எதிர் எதிர் மின்னூட்டம் பெற்ற மேகங்கள் மோதிக்கொள்ளும்போதுதான் மின்னல் பிறக்கிறது. சூரிய சக்தித் தகடுகள் எப்படி சூரியசக்தியை ஈர்த்து மின்சாரமாக மாற்றுகின்றனவோ, அதைப் போல மின்னல் உருவாவதற்கு முன்பே வானில் உள்ள மின்சாரத்தை ஈர்த்து, பயன்படுத்தத்தக்க வகையில் அளிக்கும் உபகரணத்தை உருவாக்கும் முயற்சியில் விஞ்ஞானிகள் ஈடுபட்டிருக்கிறார்கள்.

“வளிமண்டலத்தில் மின்னலை உருவாக்கும் மின்சாரத்தை ஈர்த்து, அதை ஓர் எரிசக்தி ஆதாரமாக்குவதற்கான வழியில் நாங்கள் முன்னேறிக் கொண்டிருக்கிறோம்” என்கிறார், ஆய்வாளர் பெர்னாண்டோ கேல்ம்பெக்.

வளிமண்டலத்தில் எப்படி மின்சாரம் உற்பத்தி யாகி, வெளிவிடப்படுகிறது என்ற பல்லாண்டு காலப் புதிர்களுக்கு இந்த ஆய்வு பதில் அளிக்கும் என்று எதிர்பார்க்கப்படுகிறது.

“நாம் மின்னலுக்கான மின்சக்தியைப் பெற்றுப் பயன்படுத்துவது மட்டுமல்ல, வளிமண்டலத்தில் எப்படி மின்சக்தி உருவாகிப் பரவுகிறது என்று புரிந்து கொண்டால் இன்னொரு முக்கியமான நன்மையும் இருக்கிறது. மின்னலால் ஏற்படும் உயிர்ச்சேதத்தையும், பொருட்சேதத்தையும் கூடத் தடுத்து விடலாம்” என்கிறார், கேல்ம்பெக். உலகம் முழுவதும் ஒவ்வொரு ஆண்டும் மின்னல் தாக்கி ஆயிரக்கணக்கானவர்கள் இறக்கின்றனர், காயமடைகின்றனர், பல கோடி ரூபாய் மதிப்புக்கு சொத்துகள் சேதம் அடைகின்றன என்பதையும் அவர் சுட்டிக் காட்டுகிறார்.

இயற்கையாக உருவாகும் மின்சக்தியைப் பயன்படுத்திக் கொள்வது என்ற முயற்சியில் பல நூற்றாண்டுகளாகவே விஞ்ஞானிகள் ஈடுபட்டு வருகின்றனர். ஆனால் அவர்களால் இன்று வரை அதில் வெற்றி பெற முடியவில்லை. இருந்தபோதும் எதிர்காலத்தில் மின்(னல்) சக்தியால் வீடுகள் ஒளிர்ந்தால் வியப்பதற்கில்லை!

 

நன்றி:-தினத்தந்தி

• • ஃபேஸ்புக் காதல் தோல்வியின் சின்னம்
  • அதிவேக பிரவுசர் OPERA
  • அன்புக் குழந்தைகளே! உங்களிடம் நாங்கள் எதிர்பார்ப்பது
  • அயோத்தி தீர்ப்பு-அரசியல்தனமான தீர்ப்பு
  • அயோத்தி பிரச்சினை கடந்து வந்த பாதை
  • ஆயுத விற்பனை… அடுத்தது மருந்து!
  • இல்லறம்_இனிக்க
  • உலக வெப்பமயமாதல் மரம் வளர்ப்போம்!-அல்ஹாஜ் LMA.ஷேக் அப்துல் காதர்
  • எங்கும் எதிலும் தமிழ்
  • கணவன்-மனைவி இடையே அதிக வயது வித்தியாசம்
  • கமரா மொபைல் போன்களால் காத்திருக்கும் கைசேதங்கள்
  • கம்ப்யூட்டர் படை
  • கூச்சம் தவிர்
  • கொளுத்தும் கோடை
  • சமீபத்திய உலக நடப்புகள் உணர்த்தும் உண்மைத் தத்துவம்
  • சாட்டிங்கில் துவங்கும் சைபர் கிரைம்
  • செல்போன்
  • செல்லிடைப் பேசி
  • திருட்டை தடுக்க
  • தேன் – தேனீ
  • நம்மை நாமே பார்ப்போம்
  • பரிசு கொடு மகிழ்ச்சி பெறு
  • பி.ஏ. ஷேக் தாவூத்
    • தேவை.. கருணை பார்வை
  • பெண்களின் காதல் சமுதாயத்தின் மானக்கேடு காரணங்களும் எச்சரிக்கையும்
  • மனம் விட்டுப் பேசுங்கள்
  • ரத்தம் மனிதனுக்குள்ளே ஒரு மிருகம்
  • ரவிக்குமார் எம்.எல்.ஏ
  • வருமானத்துக்கு வழிகள்
  • வெறுங்கை என்பது மூலதனம்
  • வேலையே நீ முஸ்லிம்களின் எட்டாக்கனியா?
  • ஸய்யத் மன்ஜூர் அஹ்மத்
  • IPL 20000 கோடி
  • PART-1 தேவையற்ற பொருட்களை வாங்கிக் குவிக்கும் விபரீத ஆசை!
  • PART-2 தேவையற்ற பொருட்களை வாங்கிக் குவிக்கும் விபரீத ஆசை!
• கணினி
  • 1000 மடங்கு வேகத்தில் இன்டர்நெட்
  • ஆபாச தளங்களிடமிருந்து குழந்தைகளை காக்க
  • இண்டர்நெட் எனும் மாயவலை சூப்பர் டிப்ஸ் 100
  • கணினிக் கலைச்சொற்கள்
  • விண்டோஸ்(XP) அப்டேட் சிக்கல்கள்
  • FUNCTION KEYS களின் பயனும் செயல்பாடுகளும்
• கல்வி & வேலை
  • +2 முடித்த மாணவர்களுக்கு வழிகாட்டும் இணைய தளம்
  • ADMISSION TO PART TIME B.E / B.TECH
  • அரசாங்க வேலைகள்
  • இணைப்புக் கடிதம்
  • இன்றுமுதல் பி.இ B.E விண்ணப்பம்; சமர்ப்பிக்க மே 31 கடைசி
  • கனவுகளை நனவாக்கும் கல்விக் கடன்
  • கல்லூரி மாணவர்களுக்கு10 வகை உதவித் தொகைகள்
  • குடும்பத்தில் முதல் பட்டதாரிக்கு இலவச கல்வி !
  • சிறுபான்மையினர் கல்வி உதவி
  • செலவில்லாமல் டாக்டர் எஞ்சினியர் ஆகலாம்
  • ஜாப் மார்க்கெட்-அப்ளிக்கேஷன் போட்டாச்சா?
  • பகுதி நேரப் பணி செய்யும் மாணவர்கள்
  • பிரகாசமான வாழ்வை அமைக்கும் முறை
  • பொறியியல் கல்வியின் வீழ்ச்சி
  • மாதச் சம்பளம் 500000 ரூபாய் நீங்கள் தயாரா?
  • வழி காட்டும் பார்மஸி படிப்பு
  • வித்தியாசமான இன்ஜினியரிங் துறைகளுக்கு வரவேற்பு
  • வேலை வழங்கும் பல்வேறு துறைகள்
  • வேலைவாய்ப்புச் செய்திகள்
  • MBA படித்தும் வேலை இல்லை

 

வீடு சுத்தமாக இருக்க சில யோசனைகள் – சசிகலா ஸ்ரீனிவாஸ்

வீடு சுத்தமாக இருக்க சில யோசனைகள்

‘சின்ன வயசுல எங்க வீட்டு பாப்பு உபயோகிச்ச ஃபீடிங் பாட்டில், தொட்டில்’ என்று நிறைய உணர்வுபூர்வமான சமாசாரங்கள் வீட்டில் இருக்கும். இந்த ‘எமோஷனல் ஃபீலிங்’ஸுக்கு இடம் கொடுக்காதீர்கள். கொடுத்தீர்களானால், வீடு இன்னொரு ‘ஸாலார்சங் மியூஸிய’மாகிவிடும்!

நிறைய வீடுகளில் ஒரு துடைப்பம் வாங்கினால், வருஷம் முழுக்க அதிலேயே குப்பை கொட்டப் பார்ப்பார்கள். அடிக்கடி நீண்ட தோகையுள்ள நல்ல துடைப்பங்களை வாங்குங்கள்.

குப்பைத் தொட்டிக்கு என்று தனிப்பட்ட முறையில் கார்பேஜ் பேக்ஸ் நிறைய அளவுகளில் கிடைக்கின்றன. அதை வாங்கக் கஞ்சத்தனம் செய்து, பலரும் ‘டஸ்ட் பின்’னுக்குப் பொருந்தாத ஏதோ ஒரு பையை மாட்டி வைப்பார்கள். இதனால் பாதிக் குப்பை தரையிலும் மீதிக் குப்பை பையைத் தாண்டி ‘டஸ்ட் பின்’னிலுமாகச் சிதறிப் போகும்.

பெண்களுக்கு எப்படி அவரவர் அளவுக்கேற்ற உள்ளாடையோ, அதுபோல்தான் இவையும் (‘ச்சீய்’ என முகம் சுளிப்பவர்கள், வேறு நல்ல உதாரணத்தைச் சொல்லுங்களேன்… பார்க்கலாம்!)

கிளீனிங் ஆரம்பிக்கும்போது, முதலில் டாய்லெட், கிச்சன் இவற்றில் ஆரம்பித்து, பின் படுக்கையறை, ஹாலுக்கு வாருங்கள். இல்லாவிட்டால், மீண்டும் மீண்டும் இடுப்பொடியத் துடைத்துக்கொண்டே இருக்க வேண்டிவரும்.

யாருக்கும் தெரியாமல் தூக்கியெறிய வேண்டும் என்கிற நினைப்பிலேயே சில பிரகஸ்பதிகள், ஒளித்து ஒளித்து வைத்து, பின் அப்பட்டமாக மாட்டிக் கொள்வது உண்டு.

உதாரணம்: பெண்டாட்டிக்குத் தெரியாமல் புருஷர்கள் ஒளித்து வைக்கும் விஸ்கி, பிராந்தி பாட்டில்கள், அல்பமான புகைப்படங்கள், வி.சி.டி|க்கள்!

மாமியார், கணவருக்குத் தெரியாமல் பெண்கள் பதுக்கும் புடவைக் கடை பில்கள், உருக்கிய ஈயச்சொம்புகள், உடைந்த பாத்திரங்கள், பூச்சி வந்த ரவை, பருப்புப் பொடி, சப்பாத்திக்குப் பிசைந்த மாவு (அளவே தெரியாமல் பிசைந்துவிட்டுத் தூக்கி எறிகிற பெண்களும் உண்டுங்க!)…

இவற்றை உடனுக்குடன் பைசல் செய்துவிடுவதுதான் உத்தமமான வழி!

சேர்ப்பானேன்… தவிப்பானேன்!

பொருட்களைச் சேர்ப்பதற்கு தேவைப்படுவதைவிட அதை அகற்றத்தான் நேரம் அதிகமாக தேவைப்படுகிறது. ஏனெனில், பிரிவு என்பது மனிதனைஅத்தனை பாதிக்கும் | அது, குப்பையாக இருந்தாலும் சரி!

குப்பையை ஸ்கீம் போட்டு அகற்றுவதைப் பற்றியெல்லாம் பாடம் சொல்ல நான் அறியேன். எனினும், ‘சேர்ப்பானேன்… தவிப்பானேன்!’ என்ற கேள்வி என் உள்ளத்தில் எழுகிறது.

இந்த அவசர காலத்தில், பொருள் ஈட்டவும் ஈட்டிய பொருளைச் செவ்வனே செலவிடவும் சேமிக்கவும் எவ்வளவு கடினமாக உள்ளது. செலவினங்கள் என்று எடுத்துக்கொண்டால் தேவையானவை, தேவையற்றவை எனச் சிக்கனம் கருதாமல், பல காரணங்களுக்காகப் பொருட்களை வாங்கிக் குவிக்கிறோம். விளைவு? குப்பை. சேர்ந்திருக்கும் குப்பைகளை அகற்றுவதைவிட, சேரவிருக்கும் குப்பைகளை அகற்றலாமே!

உணவு, உடை, குழந்தைகளுக்காக வாங்கும் பொருட்கள் என அனைத்திலும் நாம் சற்றே கண்டிப்பைக் காட்டப் பழகிக்கொள்ள வேண்டும். விளம்பரங்களுக்கோ போலி கெளரவத்துக்கோ இரையாகாமல் அது தேவையா என்று தீர முடிவு செய்தபிறகே பர்ஸை பிரியுங்கள்.

கூடவே, பழுதடைந்த பொருட்களைக் களைந்த பின்னரே, புதியதை வாங்குவதென உறுதியாக இருத்தல் வேண்டும். இப்படி வாங்குவதிலும் அகற்றுவதிலும் பாலன்ஸ் இருந்தால், வீடே (அத்தனை சுத்தம்) நமக்கு சோறு போடும்.

********************************************************************

நன்றி:- அ.வி

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

பணவீக்கத்தை தாண்டி வருமானத்துக்கு வழிகள்..

”சம்பளம் 10 சதவிகிதம்தான் உயர்ந்திருக்கு… ஆனா, உணவுப் பொருட்களுக்கான பணவீக்க விகிதம் 16 சதவிகிதமா இருக்கு. இந்த நிலைமையில எப்படி முதலீடு செஞ்சா தாக்குப் பிடிக்க முடியும் சார்?” என்று அண்மைக் காலத்தில் ஏராளமான தொலைபேசி அழைப்புகள், கடிதங்கள், இமெயில்கள்..!

சிறிது திட்டமிட்டால் இதற்கான தீர்வைக் கண்டுபிடித்துவிடலாம். முதலில், உங்களைச் சுற்றி செலவைக் குறைக்கும் வழிகள் என்னென்ன இருக்கின்றன எனக் கவனியுங்கள்.

பர்ஸ் கனக்கும்!

ஒரு சிறிய உதாரணம்… ஒருவர் சென்னையிலிருந்து சுமார் 45 கி.மீ. தொலைவிலுள்ள மஹிந்திரா வேர்ல்ட் சிட்டியில் வேலை பார்க்கிறார் எனில் தினமும் 90 கி.மீ. பயணம் செய்கிறார். அவருக்கு சென்னை மயிலாப்பூரில் சொந்த வீடு இருக்கிறது. அதை வாடகைக்கு விட்டால் 20,000 ரூபாய் கிடைக்கும். இதே அளவு வசதி உள்ள வீடு மஹிந்திரா வேர்ல்ட் சிட்டிக்கருகில் 10,000 ரூபாய்க்கு கிடைக்கும்போது, அவர் அலுவலகம் அருகே வீட்டை மாற்றிக் கொள்வதுதான் புத்திசாலித்தனம். இதனால் பர்ஸ¨ம் கனக்கும். முதுகுத் தண்டும் தப்பிக்கும்! இதன் மூலம் போக்குவரத்தையும் சேர்த்து மாதம் 12,000 மிச்சப்படுத்தலாம். இப்போது புறநகர்களில் நல்ல பள்ளிக்கூடங்கள், கல்லூரிகள், மருத்துவமனைகள் இருப்பதால் அங்கே வீட்டை மாற்றிக் கொள்வதில் பாதிப்பு எதுவும் வராது.

இதுவே அலுவலகம் நகரத்துக்குள் இருந்து, சொந்த வீடு புறநகரில் இருந்தால், உடல் நலன் கருதி அலுவலகம் அருகே வீட்டை மாற்றிக் கொள்வது நல்லது. உதாரணமாக, ஆவடியில் சொந்த வீடு உள்ளவர் சுமார் 30 கி.மீ. தள்ளியுள்ள அண்ணா சாலையிலுள்ள அலுவலகத்துக்கு வந்து செல்லும் செலவையும் உடற்சோர்வையும் ஆரோக்கியக் குறைவையும் கணக்கிட்டால் சொந்த வீட்டை ஆறாயிரத்துக்கு வாடகைக்கு விட்டுவிட்டு நுங்கம்பாக்கத்திலோ, ராயப்பேட்டையிலோ, திருவல்லிக்கேணியிலோ 10,000 ரூபாய்க்கு ஒரு வீட்டை வாடகைக்கு எடுத்தால்கூட (பயணச் செலவு மாதம் 2,500 ரூபாய் மற்றும் ஆரோக்கியம்) நஷ்டமில்லை. பொதுவாக, வீடு, அலுவலகம், பள்ளிக்கூடம், ஷாப்பிங் கடைகள் என அன்றாடம் செல்லும் இடங்கள் எல்லாம் அருகருகே அமைந்திருந்தால்தான் நிறையச் செலவைக் குறைக்கமுடியும்.

வாங்கிக் குவிக்காதீர்கள்!

மேலும், விருப்பப்பட்ட பொருட்களை எல்லாம் வாங்கிக் குவிக்காதீர்கள். தேவைக்கு மட்டும் வாங்குங்கள். வாரத்துக்கு ஒருமுறை ஓட்டலுக்குப் போய் சாப்பிடுகிறவர்கள், சினிமாவுக்கு போகிறவர்கள் அதனை 15 நாளைக்கு ஒருமுறை அல்லது மாதத்துக்கு ஒரு முறை என்று குறைத்துக் கொள்ளலாம். வருமானம் பெரிய அளவில் உயராதபட்சத்தில் செலவைக் குறைப்பதைத் தவிர வேறு வழியில்லை என்பதை நீங்களும் உங்கள் வீட்டினரும் புரிந்துகொண்டால் இந்த ஆலோசனையை முகம் சுளிக்காமலேயே செயல்படுத்துவீர்கள். 100 ரூபாய் செலவைக் குறைப்பது 1,000 ரூபாய் சம்பாதிப்பதற்கு சமம்.

பத்து நிமிடமாவது ஒதுக்குங்கள்!

விலை அதிகமாக இருக்கும் உணவுப் பொருட்கள், காய்கறிகள், பழங்களை குறைவாகப் பயன்படுத்துங்கள். அதே நேரத்தில், மலிவாகக் கிடைக்கும் பொருட்களை அதிகம் பயன்படுத்தி, மற்ற பொருட்களின் செலவைக் குறையுங்கள். கல்வி, ஆரோக்கியம், உணவு இந்த மூன்றுக்கான செலவைத் தவிர எதிலெல்லாம் செலவைக் குறைக்க முடியுமோ, குறையுங்கள்.

உலக அளவில் அதிகமாக சேமிப்பவர்களில் இந்தியர்கள் முக்கிய இடத்தில் இருக்கிறார்கள். நாட்டின் ஜி.டி.பி.-ல் சுமார் 37% மக்களின் சேமிப்பாக இருக்கிறது. ஆனால், இதனை புத்திசாலிதனமாக அதிக வருமானம் தரும் திட்டங்களில் முதலீடு செய்து லாபமீட்டுகிறார்களா என்றால் இல்லை. தினசரி 8-10 மணி நேரம் கஷ்டப்பட்டு சம்பாதித்த பணத்தை முதலீடு செய்ய நாம் பத்து நிமிட நேரம்கூட ஒதுக்குவதில்லை. இந்தப் போக்கை நாம் மாற்றிக் கொள்ள வேண்டும்.

காலை வாரும் கவர்ச்சித் திட்டங்கள்

சேமிப்புக் கணக்கில் கிடைக்கும் பணத்தை அவசரத் தேவையில்லாதபோது அவற்றை குறுகிய கால டெபாசிட்டுக்கு மாற்றி சில சதவிகிதம் கூடுதல் வருமானத்தைப் பெற முயற்சி செய்யலாம். பல நேரங்களில் பாதுகாப்பான முதலீடு என்று நினைத்து மிக்ஸி, கிரைண்டர் பரிசுகளுக்கு ஆசைப்பட்டு, கவர்ச்சிகரமான திட்டங்களில் முதலீடு செய்து உள்ளதையும் இழக்கிறார்கள் நம் மக்கள். அதே நேரத்தில், ஒளிவு மறைவற்ற, ரிஸ்க் உள்ள அதிக வருமானம் தரும் திட்டங்களில் முதலீடு செய்யத் தயங்குகிறார்கள்.

வரிச் சுமையை குறையுங்கள்…

// //

முதலீட்டின் நோக்கம் அதிக வருமானம்தான் என்றாலும், வருமான வரிச் சுமையை குறைப்பதற்கான வழிகளை முதலில் கடைப்பிடிக்கவேண்டும். உச்சபட்ச வருமான வரி வரம்பில் இருக்கும்போது 100 ரூபாய்க்கு சுமார் 30 ரூபாய் வரி கட்ட வேண்டிவரும். இந்தத் தொகையை வரிச்சலுகைக்கான திட்டங்களில் முதலீடு செய்தால் வரியை மிச்சப்படுத்துவதோடு, வருமானத்துக்கும் வழியைத் தேடியது போலாகும்.

சம்பளத்திலே பிடிக்கும் பிராவிடன்ட் ஃபண்ட் முதலீட்டை அப்படியே தொடரலாம். அது ஓய்வுக் காலத்துக்கான முதலீடு என்பதால் அதில் ரிஸ்க் எடுக்கவேண்டாம். முடிந்தால் கொஞ்சம் அதிகமாகவே சேமிக்கலாம். அடுத்து வரிச்சலுகை என்கிறபோது தனக்கு மற்றும் குடும்ப உறுப்பினர்களுக்கு டேர்ம் இன்ஷூரன்ஸ், தனி நபர் விபத்து பாலிசி, மற்றும் ஹெல்த் இன்ஷூரன்ஸ் எடுத்துக் கொள்ள வேண்டும். அதன்பிறகு பங்கு சந்தை சேமிப்பு திட்டமான இ.எல்.எல்.எஸ். மியூச்சுவல் ஃபண்ட்டில் முதலீடு செய்யலாம்.

சொந்த வீடு…

சொந்த வீடு வாங்க மூன்று விஷயங்களை நீங்கள் கவனிக்கவேண்டும். ஒன்று, கடனில் வாங்குங்கள் (கையில் பணமிருந்தாலும்); இரண்டு, வீட்டை வாடகைக்கு விடுங்கள், கடன் முடியும் வரை நீங்கள் அதில் வசிக்காதீர்கள். மூன்று, தம்பதிகள் இருவரும் பணிபுரிவதாக இருந்தால் வீடு மற்றும் கடனை இருவர் பெயரிலும் கூட்டாக வாங்குங்கள். இப்படிச் செய்தால் இருவருக்குமே இரு வரிச் சேமிப்பு வருமான வரிச் சட்டத்தின் 80சி-ன் கீழ் நபர் ஒருவருக்கு தலா ஒரு லட்ச ரூபாய் வரையில் திரும்பக் கட்டிய அசல் தொகை மற்றும் முழு வட்டியை (வருமானவரி சட்டம் 24-ன் கீழ்) வரிவிலக்காகப் பெற்று அதிகமாக வரியை மிச்சப்படுத்த முடியும்.

பங்குச்சந்தை

வரிச்சலுகைக்கு போதுமான அளவு முதலீடு செய்துவிட்டீர்கள் என்றால், பணவீக்க விகிதத்தை தாண்டி வருமானம் வேண்டும் என்கிறவர்கள் பங்குச் சந்தை பக்கம் வரலாம். இந்தியாவைப் பொறுத்தவரையில் நீண்ட காலத்தில் ஆண்டு சராசரி பணவீக்க விகிதம் சுமார் 5 முதல் 6 சதவிகிதமாக இருக்கும் என மதிப்பிடப்பட்டிருக்கிறது. உணவுப் பொருட்களுக்கான பணவீக்க விகிதம் 20 சதவிகிதத்திலிருந்து 16 சதவிகிதமாகக் குறைந்துள்ளது. அந்த வகையில் நடுத்தர மற்றும் நீண்ட கால அடிப்படையில் பங்கு மற்றும் பங்கு சார்ந்த முதலீடு பணவீக்க விகிதத்தைத் தாண்டி வருமானம் அளிப்பதாக இருக்கும். குறுகிய காலத்தில் கரெக்ஷன் வரும்போது நல்ல பங்குகள் மற்றும் ஃபண்ட்களில் முதலீடு செய்யுங்கள். பங்குச் சந்தை, ஃபண்ட் முதலீடு ரிஸ்க்கானதுதான். ஆனால், அவை அதிக வருமானத்தைக் கொடுக்கிறது என்பதை அறிந்து, வயதுக்கு ஏற்ப அதில் முதலீட்டை மேற்கொள்ளலாம். இந்த நோக்கில் நீங்கள் பணவீக்கத்தை பந்தாடி ஜெயிக்கலாம்.

அதிக வருமானம்…! வருமான வரி சேமிப்புத் திட்டங்களில் முதலீடு செய்தது போக, மீதியுள்ள தொகையை ரிஸ்க் உள்ள அதே நேரத்தில் அதிக வருமானம் தரும் முதலீட்டுத் திட்டங்களில் முதலீடு செய்வது புத்திசாலித்தனம். 1 பங்குச் சந்தை முதலீடு இதில் ரிஸ்க் இருக்கும் அளவுக்கு வருமானமும் இருக்கிறது. நல்ல நிறுவனப் பங்குகளை தேர்ந்தெடுத்து முதலீடு செய்து வந்தால் நிச்சயம் சிறப்பான வருமானத்தைப் பெறலாம். இந்தியாவைப் பொறுத்தவரை கடந்த 10 ஆண்டுகளில் பங்குச் சந்தை ஆண்டுக்கு சராசரியாக 15% வருமானம் கொடுத்திருக்கிறது. இந்த காலகட்டத்தில் பணவீக்க விகிதம் சுமார் 10 சதவிகிதம்தான். எனவே 5 சதவிகிதத்துக்கும் அதிகமான வருமானத்தையே பங்குச் சந்தை தந்திருக்கிறது. சென்செக்ஸ், நிஃப்டி, நிஃப்டி ஜூனியர் குறியீடுகளில் இடம் பிடித்துள்ள பங்குகளில் முதலீடு செய்வது மூலம் ஓரளவு பாதுகாப்பாகவும் அதேசமயம் அதிக வருமானத்தையும் பெறமுடியும். கடந்த மார்ச் 25-ம் தேதியுடன் முடிந்த ஓராண்டு காலத்தில் சென்செக்ஸ் புள்ளிகள் 82%, நிஃப்டி புள்ளிகள் 77% அதிகரித்திருப்பதே இதற்கு சிறந்த ஆதாரம். 2. மியூச்சுவல் ஃபண்ட் வரி சேமிக்க வேண்டிய நிலையில் இருப்பவர்கள், மூன்றாண்டுகள் ‘லாக் இன் பிரீயட்’ கொண்ட இ.எல்.எஸ்.எஸ். திட்டத்தில் முதலீடு செய்யலாம். அதிக வருமானம் பெற மூன்றாண்டுகள் கழித்து வேறு தீவிரமான ஈக்விட்டி டைவர்சிஃபைட் ஃபண்ட்களில் முதலீடு செய்யலாம். அல்லது மீண்டும் வரிச்சலுகை பெற இ.எல்.எஸ்.எஸ். திட்டங்களில் மறுமுதலீடு செய்யலாம். இந்த வரி சேமிப்பு ஃபண்டில் டிவிடெண்ட் மற்றும் வருமானத்துக்கு வரி இல்லை என்பது கூடுதல் லாபம். கடந்த மூன்றாண்டு காலத்தில், முதல் 10 இடங்களில் உள்ள இ.எல்.எஸ்.எஸ். திட்டங்கள் 15 முதல் 25% வருமானத்தைக் கொடுத்திருக்கிறது. வரி சேமிப்பைத் தாண்டி முதலீடு செய்பவர்கள், முற்றிலும் பங்கு சார்ந்த டாப் மியூச்சுவல் ஃபண்ட் திட்டங்களில் முதலீடு செய்வது மூலம் அதிக வருமானத்தைப் பெறலாம். மார்ச் 25-ம் தேதியுடன் முடிந்த ஓராண்டு காலத்தில் முதல் பத்து இடங்களில் உள்ள டாப் மியூச்சுவல் ஃபண்ட்கள் 145-165% வருமானத்தை அள்ளித் தந்திருக்கின்றன. ஈக்விட்டி டைவர்சிஃபைட் ஃபண்டில் முதலீடு செய்யும்போது எஸ்.ஐ.பி. முறையில் மாதாமாதம் ஒரு சிறு தொகையை முதலீடு செய்வது நீண்டகால அடிப்படையில் நல்ல வருமானத்தைக் கொடுக்கும். 3. தங்கம் – இ.டி.எஃப். இதை காகிதத் தங்கம் எனலாம். இதற்கு டீமேட் கணக்கு வேண்டும். ஆபரணத் தங்கமாக வாங்கும்போது உள்ள செய்கூலி, சேதாரம் இதில் இல்லை என்பதால் கூடுதல் லாபம். அதேபோல விற்கும் போதும் இது போன்ற கழிவுகள் கிடையாது என்பதால் லாபம் முழுவதும் உங்களுக்கே (தரகருக்கு கொடுக்கும் சிறு கமிஷன் போக). தங்க முதலீட்டோடு ஒப்பிடும்போது இதற்கான வருமானவரி குறைவுதான். இப்போது இந்த கோல்ட் இ.டி.எஃப். மிகவும் பாப்புலராகி வருகிறது. பங்கு, மியூச்சுவல் ஃபண்ட், கோல்ட் இ.டி.எஃப். முதலீட்டில் நீங்கள் எந்த விலையில் வாங்குகிறீர்கள் என்பது மிக முக்கியம். எப்போதும் கரெக்ஷன் காலத்துக்காக காத்திருந்து முதலீடு செய்வது மூலம்தான் அதிக லாபம் பெறமுடியும். மேலும், மொத்தமாக முதலீட்டைச் செய்ய வேண்டாம். எப்போதும் எஸ்..ஐ.பி. முறையை பின்பற்றி முதலீடு செய்து வாருங்கள். மேலே கண்ட மூன்று முதலீட்டு முறைகளிலும் நீங்கள் எதிர்பார்க்கும் லாபம் வந்ததும் விற்று பணமாக்கி விட்டு, மீண்டும் குறையும் போது முதலீடு செய்யுங்கள். இவ்விதம் செய்தால் பண வீக்க விகிதத்தைத் தாண்டி அதிக வருமானத்தை நிச்சயம் பெறலாம். 4. ரியல் எஸ்டேட் இதிலுள்ள பெரிய பிரச்னை முதலீடு செய்ய நிறைய பணம் வேண்டும். தவிர, தேவைப்படும்போது விற்கவும் முடியாது. ஆனால், நம் நாட்டைப் பொறுத்தவரை நீண்ட காலத்தில் பணவீக்க விகிதத்தைத் தாண்டி பல மடங்கு வருமானம் தரும் முதலீட்டில் ரியல் எஸ்டேட் முக்கிய இடத்தில் இருக்கிறது என்பதை மறுப்பதற்கில்லை. முதலில் சொந்த வீடு கடனில் வாங்கி ஏற்கனவே சொன்னது போல் வருமான வரியை மிச்சப்படுத்துங்கள். அது முடிந்த பிறகு அல்லது அதையும் தாண்டி பணமிருந்தால் புறநகர்களில் பட்ஜெட்டுக்கு ஏற்ற விலையில் மனைகளில் முதலீடு செய்யலாம். மாதத் தவணை திட்டங்களில் முதலீடு செய்து வரலாம். முக்கியமாக நீங்கள் கவனிக்க வேண்டியது, உங்கள் பிளாட்டை விற்பவர் நம்பகமான புரமோட்டார்தானா என்பதே. அகலமான சாலை, கார்னர் மனை, தண்ணீர் வசதி, அருகிலுள்ள நகரங்களில் தொழில் வளர்ச்சி போன்ற அம்சங்களைக் கவனித்து முதலீடு செய்தால்தான் முதலீடு மதிப்பு வேகமாகக் கூடும். ரியல் எஸ்டேட் முதலீட்டில் கணிசமான லாபம் பார்க்க குறைந்தது 5-10 ஆண்டுகள் காத்திருக்க வேண்டும். 5 உத்தரவாத வருமானத் திட்டங்கள் முழுப் பணத்தையும் ரிஸ்க் உள்ள திட்டங்களில் முதலீடு செய்வதைத் தவிர்ப்பது நல்லது. அந்த வகையில், பொது பிராவிடன்ட் ஃபண்ட் மற்றும் கடன் சார்ந்த ஃபண்ட்களில் முதலீடு செய்யலாம். இது அவரவர் ரிஸ்க் எடுக்கும் திறனைப் பொறுத்து இருக்கிறது.

தொகுப்பு: சி.சரவணன்

நன்றி:- நா.வி

——————————————————