பதிலுக்குப் பதில் – முல்லா கதைகள்

ஒரு நாள் முல்லா ஒரு துணிக் கடைக்குச் சென்றார். அங்கு தலைப்பாகைகளும் விற்கப்பட்டன. தமக்கு ஒரு தலைப்பாகை வாங்க வேண்டும் என்ற நோக்கத்துடன்தான் முல்லா அங்கு சென்றார். அழகான ஒரு தலைப்பாகையைத் தேர்ந்தெடுத்து விலை பேசினார்.

பிறகு தலைப்பாகையைத் தலையில் அணிந்து கொண்டார்.

அந்தக் கடையில் அழகான சால்வைகளும் விற்கப்படுவதை முல்லா கண்டார். தலைப்பாகைக்கு பதிலாக சால்வையை வாங்கி விடலாம் என்று அவருக்குத் தோன்றியது. அதனால் அவர் கடைக்காரனைப் பார்த்து இந்தப் தலைப்பாகைகை;குப் பதிலாக சால்வையை வாங்கிக் கொள்கிறேன். இரண்டின் விலையும் ஒன்றாகத்தானே இருக்கிறது? என்றார்.

உங்கள் விருப்பம்போல எதை வேண்டுமானாலும் வாங்கிக் கொள்ளுங்கள் என்றார் கடைக்காரர். முல்லா தலைப்பாகையை கழற்றிக் கொடுத்து விட்டு சால்வையை எடுத்துக் கொண்டு புறப்பட்டார். ஐயா, நீங்கள் வாங்கிய சால்வைக்குப் பணம் கொடுக்கவில்லையே என்று கடைக்காரர் கேட்டார். நான் ஏன் பணம் கொடுக்க வேண்டும். தலைப்பாகைக்குப் பதிலாகத்தானே சால்வையை வாங்கிக் கொண்டேன் என்றார் முல்லா.

அப்படியானால் தலைபாகைக்கு பணம் கொடுங்கள் என்றார் கடைக்காரர். தலைப்பாகைக்கு ஏன் பணம் தரவேண்டும்? அதைத்தான் உங்களிடம் திருப்பி கொடுத்துவிட்டேனே? என்று கூறிவாறு கடையை விட்டுக் கம்பீரமாக வெளியே நடந்தார்.

கடைக்காரருக்கு ஒன்றுமே விளங்கவில்லை. அவருடைய மூளை குழம்பி விட்டது.

நன்றி:- இனைய நன்பர்

• முல்லா நஸ்ருதீன்
  • அலட்சியத்துக்குக் கிடைத்த பரிசு
  • எடுத்துச் செல்வதற்காக அல்ல
  • எதிர்கால வாழ்க்கை
  • கப்பலில் வேலை
    • முல்லாவில் அறிவாற்றல் – முல்லா அனைத்த நெருப்பு
  • கழுதையால்கிடைத்த பாடம்: சூரியனா? சந்திரனா?
  • சந்தேகப்பிராணி
  • செயற்கரிய சாதனை
  • சொல்லாதே
  • தளபதியின் சமரசம்
  • நம்பிக்கை மோசம்
  • நிம்மதியே இல்லை
  • மீன்
  • மீன் பிடித்த முல்லா சொன்ன சொல் மாறாதவர்
  • முல்லா ஏன் அழுதார்?
  • முல்லாவின் திருமண ஆசை வேதந்த நூல்
  • யானைக்கு வந்த திருமன ஆசை மலிவான பொருள்-முல்லா கதைகள்
• யாரு முட்டாள்? – சிரிப்பு
• வாய் விட்டு சிரிக்க
• வேலைக்கான நேர்காணலில்
• 

தலைவா என்னை மன்னித்து விடுங்கள் – முல்லா கதைகள்

ஒரு புகழ்பெற்ற அரசியல் தலைவர் தன் நாயுடன் வாக்கிங் சென்று கொண்டிருந்தார்.
எதிரே வந்த முல்லா “என்ன கழுதையுடன் வாக்கிங் போகிறீர்கள்?”
என்று கிண்டலாகக் கேட்க தலைவருக்குக் கோபம் வந்து விட்டது.

“என்ன உனக்குக் கண் சரியாகத் தெரியவில்லையா? இது என் நாய்” என்றார்.

முல்லா தலைவரிடம் சொன்னார். “அது நாய் என்று எனக்குத் தெரியும்.
நான் கேள்வி கேட்டது அந்த நாயிடம்” என்றார்.

தலைவருக்கு தன்னைக் கழுதை என்று முல்லா பரிகாசம் செய்கிறார் என்று தெரிய
சிறிது நேரம் தேவைப்பட்டது. எல்லோரும் தன்னை தலைவா என்று மரியாதையுடன்

அழைக்கையில் முல்லா கழுதை என்கிறாரே என்று உடனே வெகுண்டு நீதிமன்றத்தில்

முல்லா மீது வழக்கு தொடர்ந்தார்.

வழக்கை விசாரித்த நீதிபதி முல்லா ஒரு புகழ் பெற்ற தலைவரை கழுதை என்றழைத்தது

தவறு என்றும் அந்தத் தலைவரிடம் மன்னிப்பு கேட்க வேண்டும் என்றும் தீர்ப்பு வழங்கினார்.

முல்லா நீதிபதியிடம் ஒரு சந்தேகம் கேட்டார்.

“ஐயா நான் கழுதையைத் தலைவா என்றழைப்பதில் சட்டத்தில் ஏதாவது ஆட்சேபணை இருக்கிறதா?”

“இல்லை” என்றார் நீதிபதி.

சரி என்ற முல்லா அந்தத் தலைவரிடம் சென்று “தலைவா என்னை மன்னித்து விடுங்கள்”

என்று கேட்க நீதிமன்றத்தில் பலத்த சிரிப்பலைகள்.

நன்றி:- இனைய நன்பர்

• முல்லா நஸ்ருதீன்
  • அலட்சியத்துக்குக் கிடைத்த பரிசு
  • எடுத்துச் செல்வதற்காக அல்ல
  • எதிர்கால வாழ்க்கை
  • கப்பலில் வேலை
    • முல்லாவில் அறிவாற்றல் – முல்லா அனைத்த நெருப்பு
  • கழுதையால்கிடைத்த பாடம்: சூரியனா? சந்திரனா?
  • சந்தேகப்பிராணி
  • செயற்கரிய சாதனை
  • சொல்லாதே
  • தளபதியின் சமரசம்
  • நம்பிக்கை மோசம்
  • நிம்மதியே இல்லை
  • மீன்
  • மீன் பிடித்த முல்லா சொன்ன சொல் மாறாதவர்
  • முல்லா ஏன் அழுதார்?
  • முல்லாவின் திருமண ஆசை வேதந்த நூல்
  • யானைக்கு வந்த திருமன ஆசை மலிவான பொருள்-முல்லா கதைகள்
• யாரு முட்டாள்? – சிரிப்பு
• வாய் விட்டு சிரிக்க
• வேலைக்கான நேர்காணலில்
• 

ரூ. 2 லட்சம் கோடி ஸ்வாகா? மிரட்டுகிறது 4G ஊழல்!

ஸ்பெக்ட்ரம் 2ஜி பூதத்தின் ஆணிவேர்களைக் கண்டுபிடிக்கும் பணி

தீவிரமடைந்து இருக்கும் நேரத்தில், 4ஜி என்ற இன்னொரு பூதத்தின் வால் கண்டுபிடிக்கப்பட்டு இருக்கிறது! தொலைக்காட்சி மற்றும் மொபைல் போன்களின் இயக்கத்துக்குப் பயன்படக்கூடிய ‘எஸ் பேண்ட்’ எனப்​படும் இந்த அலைக்கற்றைகளின் விஷயத்தில், 2ஜி ஊழலையே தூக்கிச் சாப்பிடும் அளவுக்கு முறைகேடுகள் நடந்திருப்பது, வெளிச்சத்துக்கு வந்திருக்கிறது. இதைக் கண்டுபிடித்தது, 2ஜி ஊழலை ஊரறியவைத்த அதே (சிஏஜி) காம்ப்ட்ரோலர் அண்ட் ஆடிட் ஜெனரல் ஆஃப் இந்தியாதான்!2ஜி ஊழலால் நாட்டுக்கு ஏற்பட்ட வருவாய் இழப்பு 1 லட்சத்து 76 ஆயிரம் கோடிகள் என்றால், இந்தப் புதிய ஊழலால் 2 லட்சம் கோடிகளுக்கு வருவாய் இழப்பு ஏற்பட்டு இருப்பதாக சிஏஜி சுட்டிக்காட்டி உள்ளது!

இந்த ஊழலில் சம்பந்தப்பட்டு இருப்பது, இஸ்ரோ எனப்படும் இந்திய விண்வெளி ஆராய்ச்சிக் கழகத்தின் கீழ் செயல்படும் ஆன்ட்ரிக்ஸ் கார்ப்பரேஷன் என்ற அரசு நிறுவனம். இது தனது கட்டுப்பாட்டில் இருக்கும் 70 மெகாஹெட்ஸ் அலைவரிசைக் கற்றையை 1000 கோடிக்கு தேவாஸ் மல்டி மீடியா பிரைவேட் லிமிடெட் என்ற தனியார் நிறுவனத்துக்கு 20 வருடக் குத்தகைக்குக் கொடுத்து இருக்கிறது. இதில் விநோதம் என்னவென்றால், தேவாஸ் மல்ட்டி மீடியா பிரைவேட் லிமிடெட் தொழில் செய்வதற்கு ஏதுவாக விண்வெளித் துறை 2 ஆயிரம் கோடி செலவழித்து, ஜி சாட் – 6 மற்றும் ஜி சாட் – 6 ஏ என்று இரண்டு செயற்கைக்கோள்களை விண்ணில் செலுத்த வேண்டும். இதில் ஒரு சாட்டிலைட்டுக்கு தலா 10 டிரான்ஸ்பாண்டர்கள் பொருத்தி தேவாஸ் மல்ட்டி மீடியா பணம் சம்பாதித்துக்கொள்ளும் என்பதுதான் ஒப்பந்தத்தின் சாராம்சம்!

இதில் அப்பட்டமாக வெளியான இன்னொரு குட்டு என்னவென்றால், வெகு சமீபத்தில் பி.எஸ்.என்.எல். மற்றும் எம்.எஸ்.என்.எல். ஆகிய அரசு சம்பந்தப்பட்ட நிறுவனங்களே வெறும் 20 மெகா ஹெர்ட்ஸை 12 ஆயிரத்து 847 கோடி கொடுத்துப் பெற்றன என்பதுதான்!

அதைவிட சமீப உதாரணம், அண்மையில் நடைபெற்ற 3ஜி அலைக்கற்றை ஏலம். இதில் வெறும் 15 மெகா ஹெர்ட்ஸை அரசு 67 ஆயிரத்து 719 கோடிக்கு ஏலம் விட்டது!

இதிலும் 2ஜி-யைப் போலவே முறையான ஒப்பந்தப் புள்ளிகள் பெறப்படாமல், காதும் காதும் வைத்த மாதிரிதான் இந்திய விண்வெளி ஆராய்ச்சி மையம் இதை தேவாஸ் மல்ட்டி மீடியா நிறுவனத்துக்குத் தாரை வார்த்து இருக்கிறது. பொதுவாக, இப்படி ஓர் ஒப்பந்தம் கையெழுத்தாகும்போது ஒப்பந்தப் புள்ளியை பெறும் நிறுவனம், இதை சப் லீஸுக்கு விட்டு காசு பார்க்கக் கூடாது என்ற ஒரு விதியும் கட்டாயம் இருக்கும். ஆனால், மேற்கண்ட நிறுவனத்துடன் செய்யப்பட்டு இருக்கும் ஒப்பந்தத்தில் விண்வெளி ஆராய்ச்சித் துறை இப்படி ஒரு விதியைத் தவிர்த்து இருக்கிறது!

சரி, அரசுப் பணத்தை அப்படியே சுவாகா செய்ய முற்பட்ட அந்த நிறுவனம் யாருக்கு சொந்தம்? இந்த நிறுவனத்தின் தலைவராக இருப்பவர் எம்.ஜி.சந்திரசேகர். இவர் இஸ்ரோவின் செயலாளராக வேலை செய்தவர். இந்த நிறுவனத்தின் இயக்குநர்களின் பட்டியலைப் பார்த்தால்… அதில் ராமச்சந்திரன், வேணுகோபால், முருகப்பன் என்று ஏராளமான நம் ஊர்ப் பெயர்கள்தான் இடம்பெற்று இருக்கின்றன!

இந்தியாவின் சட்ட அமைச்சரகம், தேவாஸ் மல்ட்டி மீடியா நிறுவனத்துடன் செய்யப்​பட்ட ஒப்பந்தத்தையே ரத்து செய்துவிடலாம் என்று செய்த பரிந்துரையையும், இஸ்ரோ இதுவரை கண்டுகொள்ளவில்லை. நமது நாட்​டின் பெருமைகளை அவ்வப்போது விண் முட்டச் செய்கிறது எனும் பெயர் வாங்கிய இஸ்ரோ, இப்படி விண் முட்டும் அளவு ஒரு முறைகேட்டுக்கு வழி வகுத்தது ஏன்?

இந்தத் துறைக்குப் பொறுப்பேற்று இருக்கும் அமைச்சரான மன்மோகன் சிங்தான் இதற்குப் பதில் சொல்ல வேண்டும்!

ரெடிமேட் பதில்!

இதுபற்றி எம்.ஜி.சந்திரசேகரிடம் கேட்டபோது, ”கிராமப்​புறங்​களுக்கு பிராட் பேண்ட் சேவைகளை கொடுக்கவே நாங்கள் இந்த முயற்சி​யில் ஈடுபட்டு வருகிறோம். இது வியாபாரரீதியாக எதிரிகள் கிளப்பி​யிருக்கும் சர்ச்சை. எஸ் பேண்ட் என்ற பெயர் வெகுவாக அறியப்படாத நாளில் இருந்தே அதாவது, 2003-ல் இருந்தே இஸ்ரோவோடு இதுபற்றி நாங்கள் பேச்சுவார்த்தை நடத்தி வருகி​றோம். மிகப் பெரிய முதலீடும் செய்துள்ளோம். எங்களுக்கு அளிக்கப்பட்டிருக்கும் ஒப்பந்தத்தை அரசு ரத்து செய்யும் என்று வரும் செய்திகளில் உண்மை இருப்பதாகத் தெரியவில்லை!” என்று சாதாரணமாக பதில் சொல்கிறார்!

நன்றி:- – வேல்ஸ்

நன்றி:- ஜூ.வி

Recent Posts

• பகுதி-19 டாக்டரிடம் கேளுங்கள் -[விடாது துரத்தும் சைனஸ்… தப்பிக்க என்ன வழி ?]
• அண்ணல் நபி (ஸல்) ஓர் அழகிய முன்மாதிரி! – ஒய்.கே.எம்.​ அப்துல் காதிர்
• நாளைய நிம்மதிக்கு இன்றைய பிளான்கள்…
• Microsoft பயனுள்ள தமிழ் உள்ளீட்டு கருவி!
• மலிவான, அதிநவீன `ரத்த சோதனை’ முறை!
• வாழ்த்துக்களில் சிறந்தது – அஸ்ஸலாமு அலைக்கும்!
• செல்போன் நோய்கள் தருமா?
• நம் பணத்தின் கதை! – வரலாறு!
• டச் ஸ்கிரீன் மொபைல் Touch Screen Mobile -பானுமதி அருணாசலம்
• விக்கிலீக்ஸ் இரகசியம் – எஸ் செல்வராஜ்
• இறையற்புதம் – கவியன்பன் கலாம் அதிராம்பட்டினம்
• மறக்கக் கூடாத செக் லிஸ்ட்! – சி.சரவணன்
• ஆல் இன் ஒன் கிரெடிட் கார்டு! All in One Credit Card – ஜானவிகா
• பகுதி-18 டாக்டரிடம் கேளுங்கள் -[முதல் முறையா கர்ப்பமா..? இதையெல்லாம் முக்கியமா கவனிங்க!
• விலைவாசியை சமாளிக்க 30 வகை ரெசிபி – ராஜேஸ்வரி கிட்டு
• இஷ்டத்துக்கு செலவழிக்கிறார்கள் இளைஞர்கள்! – ஊதாரித்தனம்.. இலக்கணம்!
• சிக்ரெட்… சீக்ரெட்… பழக்கம்! – செ.கார்த்திகேயன்
• ஆம்புலன்ஸ் உருவான வரலாறு
• உங்கள் குழந்தையும் இனி சேமிப்புத் திலகம்! சி.சரவணன்
• மடிக்கணினி (லேப்டாப்) வாங்கப் போறீங்களா?