தொகுப்பு

Posts Tagged ‘தகவல்’

தகவல் பெட்டி-05


உலகின் மிகப் பழமையான ஆயுள் காப்பீடுக் கழகம் இங்கிலாந்தில் உள்ளது. அதன் பெயர் Equitable Life Assurance Company.

உலகின் மிகச் சிறிய ரயில் நிலையத்தைக் கொண்ட நாடு வாடிகன்.

ஜப்பானின் ஹிரோஷிமா நகரத்தில் போடப்பட்ட முதல் அணுகுண்டு 4082 கிலோ எடை கொண்டது.

உலகில் மிக அதிகமான ஊழியர்களைப் பணி அமர்த்தியுள்ள வங்கி ‘ஸ்டேட் பாங்க் ஆஃப் இந்தியா’.

பைசா நகர சாய்ந்த கோபுரத்தில் உள்ள படிகளின் எண்ணிக்கை 294.

உலகில் மிக அதிகமாக விளை நிலங்களில் பயிரிடப்படுவது கோதுமைப் பயிர்.

முகமது அலி ஜின்னாவுக்கும், அடல் பிஹாரி வாஜ்பாய்க்கும் ஒரு ஒற்றுமை உண்டு. இருவரும் கிறிஸ்துமஸ் தினத்தில் பிறந்தவர்கள்.

ரூபாய் நோட்டுகளில் மகாத்மா காந்தியின் படம் அச்சிடப்படுவது உங்களுக்குத் தெரியும். 1997 வரை அவரது பெயர் ரூபாய் நோட்டுகளில் M.K.Gandhi (Mohandas Karamchand Gandhi-யின் சுருக்கம்) என்றுதான் குறிப்பிடப்பட்டிருந்தது. அதன் பிறகுதான் மகாத்மா காந்தி என்று மாற்றினார்கள்.

‘ஆஸ்திரேலியாவின் தந்தை’ என்று அழைக்கப்படுபவர் சர். எட்மண்ட் பார்டன் (Sir Edmund Barton).

இருட்டைப் பார்த்து பயப்படும் நோய்க்குப் பெயர் நாக்டிஃபோபியா (Noctiphobia).

எட்டி மெர்க்ஸ் (Eddy Merkx) என்பவர் பெல்ஜியம் நாட்டு சைக்கிள் வீரர். இவர் தன் வாழ்நாளில் 445 சைக்கிள் போட்டிகளில் வெற்றி பெற்றுள்ளார். ‘டூர் டி பிரான்ஸ்’ (Tour de France) என்ற பிரான்ஸ் நாடு முழுவதும் சைக்கிளில் சுற்றி வரும் போட்டியில் நான்கு முறை வென்றுள்ளார்.

அமேசான் நதியின் கிளை நதி ஒன்றும் பிரேஸிலின் பாகே நாட்டில் இருந்து வரும் நதியும், படகோனியாவில் ஓடும் நதி ஒன்றுமாகச் சேர்ந்து ஓடும் நதிதான் ‘நீக்ரோ நதி’

முதன் முதலில் ‘பல்சர்’களை (Pulsars) கண்டுபிடித்தவர் பிரிட்டனைச் சேர்ந்த விண்வெளி ஆராய்ச்சியாளர் ஜோஸேலின் பெல் பர்னெல் (Jocelyn Bell Burnell) பல்சர்கள் என்றால் என்ன தெரியுமா? இறந்து போன நட்சத்திரங்களில் மீதம். இவை ரேடியோ சிக்னல்களை அனுப்பும்.

ஒரு புலி தனது மொத்த எடையில் ஐந்தில் ஒரு பகுதி எடை உணவை ஒரே முறையில் உண்ணும். இதற்கு சமமாக ஒரு சராசரி மனிதன் உண்ண வேண்டுமானால் அவன் ஒருமுறைக்கு பதினைந்து கிலோ எடை உணவை உண்ண வேண்டும்.

சர். ராபர்ட் வால்போல் (Sir Robert Walpole) இங்கிலாந்தின் முதல் பிரதமர். ஆனால், அவரே அந்த பதவியில் தானிருப்பதை சொல்லிக்கொள்வதில்லை. முதலாம் ஜார்ஜ் மன்னரின் அரசவையில் ‘கஜானாவின் முதலதிகாரியாக’ மட்டுமே தன்னைக் குறிப்பிட்டுக்கொள்வார்!

ஒவ்வொரு வருடமும் பால்வழி மண்டலத்தில் பத்து நட்சத்திரங்கள் பிறக்கின்றன. பத்து நட்சத்திரங்கள் இறக்கின்றன.

தென் அமெரிக்காவில் காணப்படும் ‘ஸ்லோத்’ (Sloth) எனப்படும் உயிரினம் தனது பெரும்பாலான வாழ்வை தலைகீழாகத்தான் வாழும். உணவு தேடும்போதுகூட கிளைகளில் தலைகீழாகத் தொங்கிக்கொண்டே உணவு தேடும்.

அமெரிக்காவில் தற்போது அதிவேக விமானம் ஒன்று தயாரிப்பில் உள்ளது. இதன் வேகம் மணிக்கு 8,047 கிலோ மீட்டர். ஒலியின் வேகத்தைவிட ஏழு மடங்கு அதிகம். இது பறக்கும்போதே காற்றில் இருந்து ஆக்ஸிஜனைப் பிரித்தெடுத்து எரிபொருளாகப் பயன்படுத்திக்கொள்ளும்.

நீரில் வாழும் Giant Squid எனும் உயிரினத்தின் கண்கள் நாற்பது சென்டிமீட்டர் இருக்கும். ஆழ்கடலில் வாழும் இவை ஒன்பது மீட்டர் நீளம் வளரக்கூடியவை.

மிக அதிக மொழிகள் உள்ள நாடு பாப்புவா நியூ கினியா (Papua New Guinea). இதன் அரசு மொழி ஆங்கிலம். மற்ற மொழிகள் 715-க்கும் மேல் இருக்கும்.

தங்கக் கழுகால் 3.2 கிலோமீட்டர் தூரத்தில் உள்ள முயலையும் எளிதில் பார்க்கமுடியும். பெரிக்ரின் பருந்து (peregeine falcon) பறவையால் 8 கிலோமீட்டர் தூரத்தில் உள்ள புறாவையும் பார்க்க முடியும்.

2015\ம் வருடம் செவ்வாய் கிரகத்துக்கு ஆறு பேர் கொண்ட குழுவை அனுப்ப முடிவு செய்துள்ளது ரஷ்யா. இதற்கு மொத்தம் 20 பில்லியன் டாலர் செலவாகும் என்று கணக்கிடப்பட்டுள்ளது.

நன்றி:- சு.வி

தகவல் பெட்டி-04


தொலைபேசியைக் கண்டுபிடித்தவர் கிரஹாம் பெல் என்பது உங்களுக்குத் தெரியும். அதற்கு முன் அவர் செய்துகொண்டிருந்த வேலை என்ன தெரியுமா? காது கேளாதவர்களுக்கு பேசக் கற்றுக்கொடுக்கும் ஸ்பீச் டீச்சர் (Speech Teacher) வேலை.

போலோக்னா பல்கலைக்கழகம்

வெள்ளிவிழா, வைரவிழா, பொன்விழா போன்றவை கொண்டாடப்படுவதைக் கேள்விப்பட்டிருப்பீர்கள். குறிப்பிட்ட வருடங்கள் திருமண வாழ்வு நிறைவு பெற்றதும் அந்த தம்பதிக்கு அந்தந்த வருடங்களுக்கேற்ப மரம் (5 வருடங்கள்), டின் (10 வருடங்கள்) \ இவற்றாலான பொருட்களைப் பரிசளிப்பது வழக்கமாக இருந்தது. இதுதான் பொன்விழா, வைரவிழா கொண்டாட்டங்களுக்கு ஆரம்பம்!

சீனாவின் தேசிய சின்னம் \ டிராகன்.

பிரெஞ்சு, ஸ்பானிஷ், போர்ச்சுகீஸ், இத்தாலியன் மற்றும் ரோமானிய மொழிகள் லத்தீன் மொழியிலிருந்து தோன்றியவை. இவற்றை நானூறு மில்லியனுக்கும் மேற்பட்ட மக்கள் பேசுகிறார்கள்.

உலக சிரிப்பு தினமாக கொண்டாடப்படுவது ஜனவரி 10-ம் தேதி.

அடிக்கடி பிரச்னையில் சிக்கிக்கொள்ளும் இரான், இராக் நாடுகளின் பழைய பெயர்கள் முறையே பெர்ஷியா, மெஸபடோமியா.

இருட்டைப் பார்த்து பயப்படுவதை டாக்டர்கள் ‘அக்ளூவோபோபியா’ (achluophobia) என்று குறிப்பிடுகிறார்கள்.

முன்னாள் பிரதமர் பி.வி.நரசிம்மராவின் சுயசரிதையின் பெயர் ‘தி இன்சைடர்’ (The Insider).

ஐரோப்பாவின் மிகப் பழமையான பல்கலைக்கழகத்தின் பெயர் போலோக்னா (Bologna).

ரஷ்ய விண்கலம் ஒன்றின் பெயர்: ஸ்புட்னிக் (Sputnik). இந்த வார்த்தைக்கு, சகபயணி என்று அர்த்தம்!

சிலவகை மூங்கில்களுக்கு வளர்ச்சி விகிதம் மிக அதிகம். ஒரு நாளைக்கு மூன்றடி \ அதாவது 90 செ.மீ. உயரம் வளரும். வளர்ந்து முடிந்ததும் இவற்றின் உயரம் நாற்பது மீட்டர்கூட இருக்கும்.

பிரபஞ்சம் நிலையாக இல்லாமல் விரிந்துகொண்டிருக்கிறது என்ற உண்மையைக் கண்டுபிடித்து சொன்னவர் எட்வின் ஹப்பிள் (Edwin hubble). சொன்ன வருடம் 1929.

-273C! இதைவிட குறைவானகுளிர்நிலையை உருவாக்க முடியாது.

இயற்பியலின் மிக முக்கியமான மூன்று விதிகள் – புவிஈர்ப்பு விதிகள். இவற்றைக் கண்டுபிடித்தவரான ஐஸக் நியூட்டன் கேம்ப்ரிட்ஜ் பல்கலைக்கழகத்தில் மாணவர்களுக்கு கற்பித்தது கணிதம்!

புதன் (mercury) கிரகத்துக்குச் சென்ற விண்கலத்தின் பெயர் மரைனர் – 10 (Mariner-10).


ஹெர்குலிஸ்

சென்ற நூற்றாண்டின் மிகப் பெரிய ஆங்கில நாவல் விக்ரம் சேத் எழுதிய ‘A Suitable Boy’. இதன் மொத்த பக்கங்கள் 1349!

1988-ல் முதன்முதலில் விண்வெளியில் 365 நாட்கள், 59 நிமிடங்கள் இருந்து சாதனை படைத்தவர்கள் மானரோவ் (Manarov), டிடோவ் (Titov) என்ற இரு ரஷ்யர்கள்.

தோகூருக்குப் பிறகு இலக்கியத்துக்கான நோபல் பரிசு பெற்ற இந்தியர் வி.எஸ்.நைபால் (V.S.Naipaul).

கிேரேக்க புராணப்படி மாபெரும் பலசாலியான ஹெர்குலிஸின் வேலையாட்கள் பன்னிரண்டு பேர்.

உலகின் மிகப்பெரிய விமான சேவை நிறுவனம் \ ‘அமெரிக்கன் ஏர்லைன்ஸ்’.

நன்றி:- சு.வி

நாய் – விஞ்ஞானத் தகவல்கள்


முன்னோடியாக ஓநாயைக் கொண்டதாலோ என்னவோ… பல விஷயங்களில் நாய்கள் ஓநாயின் குணத்தையே கொண்டிருக்கின்றன.

ஓநாய்களைப் போலவே நாய்களும் சேர்ந்து வாழ்வதில் விருப்பமுள்ளவை. தங்கள் குழுத் தலைவர் சொன்னபடி கேட்கும். மனிதர்களுடன் வாழ்வதால், தன் எஜமானர் சொல்வதை அப்படியே செய்யும்!

நாய்கள் அசைவம்தான். ஆனால், மனிதர்களுடன் பழகிவிட்ட பிறகு சைவம், சமைத்த உணவு ஆகியவற்றையும் சாப்பிடப் பழகிவிட்டன.

ஜெர்மன் ஷெப்பர்டு, பொமரேனியன், டால்மேஷன், பிரிட்டிஷ் புல்டாக், பூடுல், டாபர்மேன், டாஷென்ட், லாப்ராடார், ப்ளிஸாரே Golden Retriever, போன்றவை நாய்களில் பிரபல மானவை.

நாய்கள் தங்களுக்குள் செய்திகளைப் பரிமாறிக் கொள்வது உடலசைவுகளின் மூலம். இரண்டு நாய்கள் சண்டை போடும்போது ஒன்று கீழே விழுந்து புரண்டால், ‘இனி சண்டை போட விருப்பமில்லை. உனக்குக் கட்டுப்படு கிறேன்!’ என்று அர்த்தம்.

நாய்களின் உடல் வெப்பம் மனிதர்களைவிட அதிகம். உடல் வெப்பத்தைத் தணித்துக்கொள்ளவே அவை நாக்கைத் தொங்கப்போட்டு மூச்சு வாங்குகின்றன.

ஐயாயிரம் ஆண்டுகளுக்கு முன் வேட்டைக்காக நாய்களைப் பழக்கப்படுத்தினார்கள். அப்போதைய நாய்கள் வேட்டைக்கு பார்வையைத்தான் அதிகம் பயன்படுத்தின. இப்போதைய வேட்டை நாய்களோ பார்வையைவிட மோப்ப சக்தியைத்தான் அதிகம் பயன்படுத்துகின்றன.

சிக்கன் போன்ற உணவுப் பொருட்கள் வாங்கி வரும் பிளாஸ்டிக் பைகளைக் குப்பைத்தொட்டியில் போடும் முன் சுத்தப்படுத்திவிட்டு போடுங்கள். இதை உண்ண வரும் நாய்கள் குடல் கிழிந்து சாவதைத் தடுக்கலாம்.

பார்வையற்றவர்களுக்கும் காது கேளாதவர்களுக்கும் வழிகாட்டிகளாவும், உதவியாளர்களாகவும்கூட நாய்கள் செயல்படுகின்றன.

நாய்கள் ஒரு பிரசவத்தில் இரண்டில் இருந்து ஆறு குட்டிகள் வரை போடும்.

நன்றிக்கும் விசுவாசத்துக்கும் பெயர் போன நாய்கள் விரும்புவது உணவு மட்டுமல்ல… அன்பையும் அக்கறையையும் சேர்த்துத்தான். அதை அளித்தால் நமக்கு நாய்களைவிடச் சிறந்த நண்பன் இருக்க முடியாது!

நாய்களின் மோப்ப சக்தி உலகப் பிரசித்தம் என்பதால் காவல்துறையில் மோப்ப நாய்களுக்குத் தனிப் பிரிவே உண்டு. இவை வெடிகுண்டுகளைக் கண்டுபிடிக்க, போதை மருந்துகளைக் கண்டு பிடிக்க, சில சமயம் இடிபாடுகளில் சிக்கிக்கொண்ட மனித உயிர்களைக் காப்பாற்றக்கூட உதவுகின் றன.

மேலைநாடுகளில் ஆட்டு மந்தைகளைக் கட்டிக் காக்கும் மேய்ப்பாளர்களாகவும் நாய்கள் பயன்படுகின்றன.

நன்றி:- சு.வி


தகவல் பெட்டி-03


v     அட்லாண்டிக் பெருங்கடல்தான், உலகில் அதிக உப்பு நிறைந்த பெருங்கடல் (உலகிலேயே உப்பு அதிகமுள்ள இடம் Dead Sea. இது சற்றுப் பெரிய ஏரி போல அலைகளற்று காணப்படும்!)

v     இங்கிலாந்து நாட்டில் அதன் அரசரோ, அரசியோ போகக்கூடாத இடம் House of Commons. இந்தியாவின் லோக்சபாவுக்கு இணையான இடம் அது.

v     தென் ஆப்பிரிக்காவில் உள்ள ஜோகன்னஸ் பெர்க்கில்தான், உலகின் மிக ஆழமான சுரங்கம் உள்ளது.

v     கேலிபோர்னியாவில் உள்ள ‘டெத் வேலி’ (Death Valley) தான் உலகிலேயே மிகவும் வறண்ட பகுதி.

v     மிகப்பெரிய கால்வாயான பனாமா கால்வாயின் மொத்த நீளம் 64 கிலோ மீட்டர்.

v     பண்டைய ஏழு அதிசயங்களுள் ஒன்று ‘ஜீயஸ்’ (Zeus) கடவுளின் சிலை. கிரேக்கக் கடவுள்களில் மிகவும் சக்திவாய்ந்தவராகக் கருதப்பட்டவர் இந்த ‘ஜீயஸ்’!

v     வடதுருவத்தை அடைந்த முதல் மனிதனின் பெயர் ராபர்ட் பியரி (Robert Peary).

v     அமெரிக்காவைக் கண்டுபிடித்தவர் கொலம்பஸ். அதற்குப் பெயர் கொடுத்தவர் அமெரிக்கோ வெஸ்புகி.

v     பெருங்கடல்களுள் சிறியது ஆர்டிக் பெருங்கடல்.

v     உலகின் மிகப் பரந்த தெரு, நியூயார்க்கில் உள்ள ‘பிராட்வே’.

v     இரான் நாட்டின் பழைய பெயர் ‘பெர்ஸியா’.

v     வெட்டுக்கிளியின் காதுகள், அவற்றின் கால்களில் இருக்கின்றன.

v     பேரரசர்அக்பரின்நினைவிடத்தின்பெயர்‘சிக்கந்த்ரா’ (Sikandra).

v     ‘கோயில்களின் நகரம்’ என்று அழைக்கப்படுவது காஞ்சிபுரம்.

v     எகிப்திய பிரமிடுகளில் பழங்கால ஏழு அதிசயங்களுள் ஒன்றாகக் கருதப்பட்டது, குலூவின் பெரிய பிரமிடு (Great Pyramid of Khulu).

********************************************************************

நன்றி:- சு.வி

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

தகவல் பெட்டி 01


விஞ்ஞானி ஆல்பர்ட் ஐன்ஸ்டீனின் ‘தியரி ஆஃப் ரிலேட்டிவிட்டி’ மிகவும் பிரபலம். யூதரான அவர் பிறந்த நாடு ஜெர்மனியாக இருந்தாலும் யூதர்களின் எதிரியான ஹிட்லருக்குப் பயந்து நாட்டை விட்டு வெளியேறினார். அவரது ஆராய்ச்சிகள் அனைத்துமே அமெரிக்காவில் நடந்தன.

எகிப்தில் வெள்ளைத்தங்கம் என்று அழைக்கப்படுவது பருத்தி.

புத்தரின் தந்தை பெயர் சுத்தோதனர்.

இங்கிலாந்து நாட்டை ஆண்டவர்களில் ஜேன் கிரே (Jane grey) மட்டும்தான் மிக குறுகிய காலம் இருந்தவர். அவர் ராணியாக இருந்தது வெறும் ஒன்பது நாட்களுக்கு மட்டுமே.

ரோல்ட் அமுன்ட்ஸென் (Roald Amundsen) என்பவர்தான் தென்துருவத்தை முதன்முதலில் அடைந்தவர்.

உலக வாணிப நிறுவனத்தின் (WTO) தலைமையகம் அமைந்திருப்பது ஜெனிவாவில்.

ஆங்கிலேயர் ஆட்சி காலத்தில் இந்தியாவின் முதல் வைசிராயாக இருந்தவர் கானிங் பிரபு (Lord canning).

ஒரு அணுகுண்டு தயாரிக்க ஆகும் செலவு தெரியுமா? ஒரு கோடி ரூபாய். ஆனால், அவற்றால் ஏற்படும் இழப்புகள் அதைவிட வெகு அதிகம்.

இந்திய சுதந்திரத்துக்கு புரட்சி பாதையில் போராடியவர் சுபாஷ் சந்திர போஸ் என்பது உங்களுக்குத் தெரியும். அதற்காக அவர் தொடங்கியதுதான் இந்தியன் நேஷனல் ஆர்மி. சுருக்கமாக மி.ழி.கி.

ஸ்பெயின் நாட்டின் பிரபலமான நடனம் ஃப்ளமிங்கோ (Flamingo).

உலகின் மிக உயரமான பறவையான நெருப்புகோழியின் மற்றொரு பெயர் என்ன தெரியுமா? ஒட்டகப் பறவை.

சைடாலஜி (cytology) என்பது செல்களை ஆராயும் விஞ்ஞானப் படிப்பின் பெயராகும்.

முதன்முதலில் கிரகங்களின் சுழற்சியை ஆராய்ந்து கண்டறிந்தவர் கெப்ளர் (Kepler). பாலைவனத்தில் செல்லும்போது மிகக் குறைந்த ஒலியைக்கூட நம்மால் கேட்கமுடியும்.

விசில் அடிப்பது போன்ற ஒலியை உருவாக்கும் ஒரே உயிரினம் டால்பின்.

அகராதியை முதலில் தயாரித்தவர் சாமுவேல் ஜான்சன் (Samuel Johnson).

வகுப்பறையில் உங்கள் ஆசிரியரின் கையில் அதிக நேரம் இருக்கும் சாக்பீஸின் வேதிப் பெயர் கால்ஷியம் கார்பனேட் (Calcium carbonate)

இந்தியாவின் தலைநகரான டெல்லியின் பழைய பெயர்- இந்திரப்பிரஸ்தம்.

இறக்கைகளே இல்லாத பறவை ஆஸ்திரேலியாவில் உள்ள கிவி.

யானைகளின் தந்தங்களைப் பார்த்திருப்பீர்கள். அதே போல் தந்தங்கள் உள்ள மற்றொரு உயிரினம் கடலில் வாழும் வால்ரஸ் மட்டுமே.  சீனாவின் புனித விலங்காக கருதப்படுவது- பன்றி.

தேன்கூட்டை கலைத்தால் தேனீக்கள் கொட்டும் என்பது உங்களுக்குத் தெரியும். ஆனால், அவற்றால் ஒரு முறை மட்டுமே கொட்ட முடியும். ஏனெனில், அவை கொட்ட பயன்படுத்தும் கொடுக்குகள் கொட்டியதும் எதிரியின் உடலிலேயே தங்கிவிடும்.

உலகில் இதுவரை அமைக்கப்பட்ட சாம்ராஜ்யங்களில் மிகப்பெரியது மற்றும் மிகவும் பலம்பொருந்தியது செங்கிஸ்கானுடையது. கிழக்கில் சீன கடலில் ஆரம்பித்து மேற்கே கருங்கடல் வரை விரிந்திருந்தது அந்த சாம்ராஜ்யம்.

1918\ல் பரவிய ஃப்ளு காய்ச்சல் மிக கொடூரமானது. இதில் ஆறு கண்டங்களிலும் உலக மக்களில் கிட்டத்தட்ட பாதிப் பேர் பாதிக்கப்பட்டனர்.  பிரபல கிரிக்கெட் ஆட்டகாரான கபில்தேவின் சுயசரிதையின் பெயர் By Gods-decree. இதன் பொருள்  ‘கடவுளின் தீர்ப்புப்படி’.

‘நம்பர் தியரி’யின் தந்தை என்று அழைக்கப்படுவர் பியரி-டி-பெர்மட் (pierre-de-Fermet) ஆனால், இவர் ஒரு வழக்கறிஞர். கணிதம் இவரது பொழுதுபோக்கு மட்டுமே!

உலகில் அதிகமாக திரைப்படங்கள் தயாரிக்கும் நாடு இந்தியா.

********************************************************************

நன்றி:- சு.வி

++++++++++++++++++++++++++++++++++++++++++++++++++++++