தொகுப்பு

Archive for மே 14, 2010

கல்லூரி மாணவர்களுக்கு10 வகை உதவித் தொகைகள்


சென்னை, ஆக. 17:   தமிழ்நாட்டில் உள்ள அனைத்து அரசு மற்றும் அரசு உதவிபெறும் கலை, அறிவியல் கல்லூரிகளில் படிக்கும் மாணவர்களுக்கு, 10 வகையான கல்வி உதவித் தொகைகள் வழங்கப்படுகின்றன.

கல்லூரி மாணவர்களுக்கு பல்வேறு வகையான உதவி தொகைகள் இருந்த போதிலும் அது குறித்த விழிப்புணர்வு பெரும்பாலான மாணவர்களிடம் இல்லை. இது குறித்த விவரங்களை இணையதளத்தில் வெளியிட திட்டமிடப்பட்டுள்ளது என்றார் கல்லூரிக் கல்வி இயக்குநர் நளினி ரவீந்திரன் கூறினார்.

உதவித்தொகை திட்டங்கள் குறித்து உதவி இயக்குநர் ராம் மோகன் கூறியதாவது:

மாணவிகளுக்கு…முதுநிலை பட்டப் படிப்புகளில் படிக்கும் மாணவிகளுக்கு ஆண்டுக்கு ரூ.500-ல் இருந்து ரூ.1000 வரை உதவித்தொகை வழங்கப்படுகிறது. இந்த உதவித் தொகையைப் பெற, மாணவிகளின் பெற்றோரின் ஆண்டு வருமானம் ரூ.50,000-க்கு மிகாமல் இருக்க வேண்டும். சம்பந்தப்பட்ட கல்லூரி முதல்வர்களின் மூலம் இந்த உதவித்தொகை வழங்கப்படுகிறது.

விவசாயிகள் பிள்ளைகள்:   இத்திட்டத்தின் கீழ், இளநிலை பட்டப் படிப்பு படிக்கும் விவசாயத் தொழிலாளர்கள், விவசாயிகளின் பிள்ளைகளுக்கு ஆண்டுக்கு ரூ.2,750 வரை உதவித்தொகை வழங்கப்படுகிறது.

இந்த உதவித் தொகையைப் பெற, சம்பந்தப்பட்ட வட்டாட்சியரிடம் இருந்து பெறப்பட்ட விவசாயத் தொழிலாளர்களுக்கான அடையாள அட்டை ஆவணத்துடன் மண்டல கல்லூரிக் கல்வி இணை இயக்குநர்களுக்கு எழுதி அனுப்ப வேண்டும். இவர்களின் அலுவலகங்கள் சென்னை, திருச்சி, வேலூர், மதுரை, கோவை, திருநெல்வேலி ஆகிய இடங்களில் உள்ளன.

படை வீரர்களின் பிள்ளைகள்:  பாதுகாப்புப் படை வீரர்களின் குழந்தைகள் கல்லூரிக் கல்வி இயக்குநருக்கு எழுதி அனுப்பி உதவித்தொகையைப் பெறலாம்.

முன்னாள் படைவீரர்களின் குழந்தைகளுக்கான திட்டத்தின் கீழ், அனைத்து வகையான பட்டப் படிப்புகள் படிக்கும் மாணவர்கள் சம்பந்தப்பட்ட கல்லூரி முதல்வர்களிடம் விண்ணப்பிக்க வேண்டும். பணிக் காலத்தில் இறந்த அரசு ஊழியர்களின் குழந்தைகளுக்கான திட்டத்தின் கீழ், இளநிலைப் பட்டப் படிப்பு படிக்கும் மாணவர்கள் கல்லூரி முதல்வர்களிடம் விண்ணப்பிக்க வேண்டும். இந்த இரண்டு திட்டங்களின் கீழ் உதவித்தொகை பெறுபவர்களுக்கு, விடுதிச் செலவுகளும் வழங்கப்படுகின்றன. இவை கல்லூரிக் கல்வி இயக்குநர் மூலம் வழங்கப்படுகின்றன.

ஆசிரியர்களின் பிள்ளைகள்: முதுநிலைப் பட்டப் படிப்புகள், எம்.பில்., பி.எச்டி., படிக்கும் இடைநிலை பள்ளி ஆசிரியர்களின் குழந்தைகள் கல்லூரிக் கல்வி இயக்குநருக்கு எழுதி அனுப்பி உதவித்தொகையைப் பெறலாம்.

வகுப்பு வாரியாக: இது தவிர, எஸ்.சி., எஸ்.டி. பிரிவினர், பி.சி., எம்.பி.சி., சீர்மரபினர் ஆகியோருக்கு சம்பந்தப்பட்ட கல்லூரி முதல்வர்கள் மூலம், அந்தந்த நலத்துறைகளின் சார்பில் உதவித்தொகை வழங்கப்படுகிறது. இந்த திட்டங்களின் கீழ், உதவித்தொகைப் பெற, பெற்றோரின் ஆண்டு வருமானம் ரூ.1 லட்சத்துக்கு மிகாமல் இருக்க வேண்டும்.

ஒரே பெண் குழந்தை:   தவிர, குடும்பத்தின் முதல் பட்டதாரி / ஒரே ஒரு பெண் குழந்தைக்கான கல்வி உதவித்தொகையைப் பெற சேப்பாக்கத்தில் உள்ள பி.சி. / எம்.பி.சி. நலத்துறை ஆணையர் அலுவலகத்தில் விண்ணப்பத்தைச் சமர்ப்பிக்க வேண்டும்.

எனினும், ஒரு மாணவர் ஒரு உதவித் தொகைத் திட்டத்தின் கீழ் மட்டுமே பெற முடியும். இது தொடர்பாக மேலும் விவரங்களை அறியவும், உதவித்தொகைகளைப் பெறுவதில் ஏதேனும் பிரச்னை இருந்தாலோ அது குறித்து தொலைபேசி எண்கள், 044 -28271911 / 6792 / 28212090- ஆகியவற்றில் தொடர்பு கொள்ளலாம்’ என்று ராம் மோகன் கூறியுள்ளார்.

நன்றி:–தினமணி

காலாவதியாவதற்கு முன் – யாசர் அரஃபாத்


காலாவதியாவதற்கு முன்

கடல் கடந்து என்

கரம் சேர்ந்து இருக்கும் உன்

கடிதம்!

அழிந்த எழுத்துகளும் உன்

அழுகைதான் காரணம் என

சொல்லாமல் சொல்ல;

கனத்த இதயமோ

ரணமானது மெல்ல!!

வழியில்லாமல்

வளைகுடாவில் நானும்;

விதியே என வீட்டிற்குள் நீயும்!

என் சொந்தங்களை கரையேற்ற

உன் சோகம் பணயமாக

பயணம் வந்தேன்

பாலைவனத்திற்க்கு!

என்னோடு சேர்ந்து

இன்னுமொரு கூட்டம்

வலியோடு இருந்தாலும்

வாய் விட்டு சிரிப்போம்!

கலகலப்பாக

கட்டிலுக்கு சென்றாலும்

கணப் பொழுதில்

கனமாகும் நெஞ்சம்;

உன் நினைவோடு

கனவுக்கு காலடிவைத்தாலும்

அங்கேயும் நீ கேட்பது என்னவோ

என் விடுமுறையைப் பற்றிதான்!!

பசியோடு இருந்தாலும் என்

பக்கத்தில் நீ வேண்டும்;

நடத்தியதுப் போதும் குடும்பம் பாலையோடு

முடித்துவிட்டு வந்துவிடு நாளையோடு என்று!

வெகுளியாய் உன் கையெழுத்திற்கு முன்

வெறுப்பாய் என் கண் முன்னே வெளிநாடு;

காலத்தோடு வந்துவிடுகிறேன்

காலாவதியாவதற்கு முன்னே

வருத்தப்பட்டு பிரயோஜனம் இல்லை

காலம் போனப் பின்னே!

நன்றி:–யாசர் அரஃபாத்

தாய் கவிதையின் தொடர்ச்சி – கவியன்பன் கலாம் அதிராம்பட்டினம்


கருவறையில் காத்த தாயே..!!!
கல்லறையில் உறங்கச் சென்றாயே -நான்
வரும்வரையில் படுத்திரு ; எனக்கும்
தருவர் குழி உனக்கு அடுத்தே
என்முகம் காணாமல் புதைத்த அன்று;
உன் அகம் எப்படி பதைத்தது என்று
கனவில் வந்து கதறினாயே; உன்னருகில்
அணைத்ததும் உதறினாயே..!!!
“இறந்தவரை கனவில் அணைத்தால்
இருப்பவர்க்காகாது ‘ என்பதைக் கூட
என்பால் நீ வைத்த
அன்பால் தானே இறந்தும் அப்படி
அக்கறைக் காட்டினாய்
“செத்தும் கொடுத்த” உன் அன்புக்கு
பித்தனாகி விட்ட என்னால்
என்ன வேண்டும் தாயே …………

தொடர்ச்சி…
மேலே உள்ளது போட்டியாளர்கள் சொன்ன வரி வரம்புகளின் எல்லைக்கு உட்பட்டதால் சுருக்கமாக அனுப்பினேன். இப்பொழுது போட்டி முடிந்து விட்டதால் என் எண்ணங்களுக்கு தடை போட விரும்பவில்லை. அதனால் மீண்டும் தொடர்ந்து ‘அம்மா’ பற்றிய கவிதை எழுதி முடித்துள்ளேன். இதனைத்தான் என் கவிதை நூல் வெளிவரும் போது முதல் பக்கத்தில் போட்டு என் அன்னைக்கு சமர்ப்பணம் ஆக்குவேன்.

ஊனாகி எலும்பாகி தசையாகி
உலகினில் உதித்தடவே
உன்னறைவிட்டு குதித்து வந்து
உலா வரும் நானே ‘நான்’ இல்லை
நான் என்பதும் உன்னிடம் பெற்ற கடனே
கருவறையில் இரத்தம் தந்தாயே;
முலைக் காம்பில் அமிழ்து தந்தாயே;
நான் உறங்க நீ உறங்க மாட்டாயே;
பசித்திருந்து
தனித்திருந்து
விழித்திருந்து
ப த வி யாம் தாய்மைக்கு
இலக்கணம் சொன்னாய் செயலாலே
எனது சிறுநீரும்
உனக்கு பன்னீர் ஆனது எப்படி?
பள்ளிச் செல்லும் பொழுதும்
பயணம் செல்லும் பொழுதும்
அள்ளி அணைத்து முத்தமிட்டாய்
அந்த நொடிகள் மறவேனே ….
விமானத்தில் ஏறிவிட்டால்
வீடு வந்து சேரும் வரைக்கும்
அழுவாய்; தொழுவாய்; நோன்பிருப்பாய்;
அந்த காட்சிகள் மறவேனே..
அமெரிக்க பயணத்துக்கு என்னை
அனுப்பி விட்டு நான் மீண்டும்
தாய் மண்ணை மிதிபபதற்குள்
தாயே மண்ணுக்குள் நீ மட்டும் சென்றாயே ..?!!
நீ அடிக்கல் நாட்டிய என் மாளிகைக்கு
நீ வாராது சென்ற தாயே
என் கால்கள் அம்மாளிகைக்குள் நுழையும்போது
என் மனம் கூறும்:
“இம்மாளிகையின் ஒவ்வொரு கல்லும்;
என்னம்மாவின் பெயர் சொல்லும்”
வறுமையின் கோட்டிலே நின்ற போழ்து
வல்ல இறைவனிடம் வேண்டி நின்றாயே..
வளமையின் வீட்டிற்குள் வந்த போழ்து
வாராது போனாயே ……..!!!!!!!!!
ஒவ்வொரு மூச்சிலும் நினைவிலும்
ஒன்றை மட்டுமே வைத்துள்ளேன் தாயே..
“ஒவ்வொரு படியாக நான் முன்னேறும்போது
உனது ஆசிர்வாதமும் ப்ரார்த்தனையுமே
உந்தி தள்ளி என்னை சிகரத்தில் வைத்துள்ளது”
இருந்தாலும் ஆயிரம் அன்பு;
இறந்தாலும் ஆயிரம் அன்பு;
அம்மா அம்மா தான்; மற்றவை எல்லாம்
சும்மா சும்மா தான்……!!!!!!!
அப்பா என்னை கடிந்து கொள்ளும் வேளையில்
நீ கூறுவாய்:
“அவன் மனதை நான் அறிவேன்; அவன் என்ன சொன்னாலும்
அவன் சொல்லில் நியாம் உண்டு’ என்பாய்
இன்றும் உணர்கின்றேன் அம்மா:
‘உன்னை தவிர உலகில்
என்னை புரிந்தவர் யாருமே இல்லை.”
ஆயிரம் உறவுகளில் பெருமைகள் இல்லை;
தாயின் அன்புக்கு எல்லையே இல்லை; இல்லை……

உன் மடிதான்
நான் படித்த பள்ளி;
உன் மடிதான்
நான் தூங்கிய ஓய்வறை;
நான் வீடு வரும்வரை
உனக்காக உள்ள சிறிய வடைத்துண்டை கூட
எனக்காக முந்தானையில் முடிந்து வைத்து
மடிமீது தலை சாய வைத்து
பொடி பொடியாய் ஊட்டிவிட்டாயே
இன்றைக்கு அந்த சுகம் தேடுகின்றேன் தாயே

உனது தொழுகையும்; வழிபாடுகளும்
உன்னை சுவனத்தில் சேர்த்து விட்டதை
அடிக்கடி கனவில் வந்து சொன்னாய்:
பச்சை பட்டுடுத்தி; முத்து பவளம் ஆபரணம் சூட்டி
மெச்சி உன்னை மேலோன் சுவனத்தில் உலா வைத்த
கோ
லத்தை கண்டேனே அந்த கனாவிலே…

உன்னைப் பற்றி எழுதினால் ஏடு தாங்காது;
உன்னைப் பற்றி நினைத்தால் கண்கள் தூங்காது.
எனவே
இத்துடன் முடிக்கின்றேன்

நன்றி:–“கவியன்பன்”, கலாம், அதிராம்பட்டினம். (பிறப்பிடம்)

அபு தபி (இருப்பிடம்) செல்பேசி:-00971-50-8351499

இவர்களின் ஆக்கங்களில் சில…..

ஏமாற்று உலகம்

இக்கரைக்கு அக்கரைப் பச்சை

உறவுகள்

பாலையான வாழ்க்கை

முரண்பாடுகளை முறியடிப்போம்

இணயதளம் ஓர் இனியதளம்

தமிழாய் தமிழுக்காய்

விதைகள்

ஊனம்

தாய்

பிளஸ்2 மறு கூட்டல் உடனடி தேர்வுக்கு விண்ணப்பம் 17ந் தேதி முதல் வழங்கப்படுகிறது


விடைத்தாள் அச்சுப்பகர்ப்பு நகல்பெற மொழிப்பாடம் மற்றும் ஆங்கிலம் ஒவ்வொன்றுக்கும் ரூ.550 இதரப்பாடங்கள் ஒவ்வொன்றுக்கும் ரூ.275 மறு கூட்டல் அனைத்துப்பாடங்களுக்கும் விண்ணப்பிக்கலாம். விடைத்தாள் நகல்கோரி விண்ணப்பிப்பவர்கள் அதே பாடத்திற்கு மறுகூட்டல் கோரி தற்போது விண்ணப்பிக்க தேவை இல்லை. விடைத்தாள்நகல் பெற்ற பிறகு விரும்பினால் மறு கூட்டலுக்கு விண்ணப்பிக்கலாம்.
இதற்கான விண்ணப்பங்கள் 17-ந் தேதி முதல் 21-ந் தேதி வரை வழங்கப்படும். 2010 மார்ச் மாதம் பள்ளிக்கூட மாணவர்களாக தேர்வு எழுதியவர்கள் அவர்கள் படித்த பள்ளிக்கூடத்திலேயே எஸ்.எச். வகை விண்ணப்பங்களை பெற்று பூர்த்தி செய்து, அங்கேயே 21-ந் தேதிக்குள் நேரில் ஒப்படைக்கவேண்டும். கட்டணத்தை பள்ளியில் பணமாக செலுத்தவேண்டும்.

நன்றி:- .வி


ஜனாஸா தொழுகையில் இறந்தவருக்காக ஓதும் துஆ


ஜனாஸா தொழுகையில் இறந்தவருக்காக ஓதும் துஆ

اللَّهُمَّ اغْفِرْ لَهُ وَارْحَمْهُ وَعَافِهِ وَاعْفُ عَنْهُ وَأَكْرِمْ نُزُلَهُ وَوَسِّعْ مُدْخَلَهُ وَاغْسِلْهُ بِالْمَاءِ وَالثَّلْجِ

وَالْبَرَدِ وَنَقِّهِ مِنْ الْخَطَايَا كَمَا نَقَّيْتَ الثَّوْبَ الْأَبْيَضَ مِنْ الدَّنَسِ وَأَبْدِلْهُ دَارًا خَيْرًا مِنْ دَارِهِ

وَأَهْلًا خَيْرًا مِنْ أَهْلِهِ وَزَوْجًا خَيْرًا مِنْ زَوْجِهِ وَأَدْخِلْهُ الْجَنَّةَ وَأَعِذْهُ مِنْ عَذَابِ الْقَبْرِ أَوْ مِنْ عَذَابِ النَّارِ


அல்லாஹும்மபி(F)ர் லஹு வர்ஹம்ஹு வஆபி(F)ஹி வபு(F) அன்ஹு வஅக்ரிம் நுஸுலஹு வவஸ்ஸிஃ முத்கலஹு வக்ஸில்ஹு பி(B)ல்மாயி வஸ்ஸல்ஜி வல்ப(B)ரதி வநக்கிஹி மினல் கதாயா கமா நக்கைத்தஸ் ஸவ்ப(B)ல் அப்(B)யள மினத் தனஸி வ அப்(B)தில்ஹு தாரன் கைரன் மின் தாரிஹி வஅஹ்லன் கைரன் மின் அஹ்ஹி வஸவ்ஜன் கைரன் மின் ஸவ்ஜிஹி வ அத்ஹில்ஹுல் ஜன்ன(த்)த வஅயித்ஹு மின் அதாபி(B)ல் கப்(B)ரி

இதன் பொருள் :

இறைவா! இவரை மன்னிப்பாயாக! இவருக்கு அருள் புரிவாயாக! இவரது தவறுகளை அலட்சியப்படுத்துவாயாக! இவர் தங்குமிடத்தை மதிப்பு மிக்கதாக ஆக்குவாயாக! இவர் நுழையும் இடத்தை விசாலமாக்குவாயாக! இவரைத் தண்ணீராலும், பனிக் கட்டியாலும், ஆலங்கட்டியாலும் கழுவுவாயாக! வெண்மையான ஆடையை அழுக்கிருந்து சுத்தம் செய்வதைப் போல் இவரை குற்றத்திருந்து சுத்தம் செய்வாயாக! இங்கிருக்கும் வீட்டை விடச் சிறந்த வீட்டையும், இங்கிருக்கும் குடும்பத்தை விடச் சிறந்த குடும்பத்தையும், இங்கிருந்த வாழ்க்கைத் துணையை விட சிறந்த துணையையும் இவருக்கு வழங்குவாயாக! இவரை கப்ரின் வேதனையிருந்து காப்பாயாக!

ஆதாரம்: முஸ்லிம் 1600

அல்குர்ஆனில் இடம்பெற்ற துஆக்கள்

அன்றாடம் ஓத வேண்டிய துஆக்கள்

கவலையின் போது ஓதும் துஆ

தூங்குவதற்கு முன் ஓத வேன்டியவை

கப்ருகளை ஜியாரத் செய்யும்போது

தலைசிறந்த பாவமன்னிப்பு – சையிதுல் இஸ்திஃபார்

ஆயத்துல் குர்ஸி

இறந்தவருக்காகச் செய்யும் துஆ

நோயாளியை விசாரிக்கச் செல்லும் போது ஓத வேண்டிய துஆ

இரவில் விழிப்பு வந்தால் ஓத வேண்டியது

வீட்டிருந்து வெளியே செல்லும் போது ஓத வேண்டியது

மணமக்களை வாழ்த்தும் போது ஓத வேண்டியது