தொகுப்பு

Archive for ஏப்ரல் 15, 2010

பிழை பொருத்தருள் யாஅல்லாஹ் – தேரிழந்தூர் தாஜூதீன்


தகவல் பெட்டி 01


விஞ்ஞானி ஆல்பர்ட் ஐன்ஸ்டீனின் ‘தியரி ஆஃப் ரிலேட்டிவிட்டி’ மிகவும் பிரபலம். யூதரான அவர் பிறந்த நாடு ஜெர்மனியாக இருந்தாலும் யூதர்களின் எதிரியான ஹிட்லருக்குப் பயந்து நாட்டை விட்டு வெளியேறினார். அவரது ஆராய்ச்சிகள் அனைத்துமே அமெரிக்காவில் நடந்தன.

எகிப்தில் வெள்ளைத்தங்கம் என்று அழைக்கப்படுவது பருத்தி.

புத்தரின் தந்தை பெயர் சுத்தோதனர்.

இங்கிலாந்து நாட்டை ஆண்டவர்களில் ஜேன் கிரே (Jane grey) மட்டும்தான் மிக குறுகிய காலம் இருந்தவர். அவர் ராணியாக இருந்தது வெறும் ஒன்பது நாட்களுக்கு மட்டுமே.

ரோல்ட் அமுன்ட்ஸென் (Roald Amundsen) என்பவர்தான் தென்துருவத்தை முதன்முதலில் அடைந்தவர்.

உலக வாணிப நிறுவனத்தின் (WTO) தலைமையகம் அமைந்திருப்பது ஜெனிவாவில்.

ஆங்கிலேயர் ஆட்சி காலத்தில் இந்தியாவின் முதல் வைசிராயாக இருந்தவர் கானிங் பிரபு (Lord canning).

ஒரு அணுகுண்டு தயாரிக்க ஆகும் செலவு தெரியுமா? ஒரு கோடி ரூபாய். ஆனால், அவற்றால் ஏற்படும் இழப்புகள் அதைவிட வெகு அதிகம்.

இந்திய சுதந்திரத்துக்கு புரட்சி பாதையில் போராடியவர் சுபாஷ் சந்திர போஸ் என்பது உங்களுக்குத் தெரியும். அதற்காக அவர் தொடங்கியதுதான் இந்தியன் நேஷனல் ஆர்மி. சுருக்கமாக மி.ழி.கி.

ஸ்பெயின் நாட்டின் பிரபலமான நடனம் ஃப்ளமிங்கோ (Flamingo).

உலகின் மிக உயரமான பறவையான நெருப்புகோழியின் மற்றொரு பெயர் என்ன தெரியுமா? ஒட்டகப் பறவை.

சைடாலஜி (cytology) என்பது செல்களை ஆராயும் விஞ்ஞானப் படிப்பின் பெயராகும்.

முதன்முதலில் கிரகங்களின் சுழற்சியை ஆராய்ந்து கண்டறிந்தவர் கெப்ளர் (Kepler). பாலைவனத்தில் செல்லும்போது மிகக் குறைந்த ஒலியைக்கூட நம்மால் கேட்கமுடியும்.

விசில் அடிப்பது போன்ற ஒலியை உருவாக்கும் ஒரே உயிரினம் டால்பின்.

அகராதியை முதலில் தயாரித்தவர் சாமுவேல் ஜான்சன் (Samuel Johnson).

வகுப்பறையில் உங்கள் ஆசிரியரின் கையில் அதிக நேரம் இருக்கும் சாக்பீஸின் வேதிப் பெயர் கால்ஷியம் கார்பனேட் (Calcium carbonate)

இந்தியாவின் தலைநகரான டெல்லியின் பழைய பெயர்- இந்திரப்பிரஸ்தம்.

இறக்கைகளே இல்லாத பறவை ஆஸ்திரேலியாவில் உள்ள கிவி.

யானைகளின் தந்தங்களைப் பார்த்திருப்பீர்கள். அதே போல் தந்தங்கள் உள்ள மற்றொரு உயிரினம் கடலில் வாழும் வால்ரஸ் மட்டுமே.  சீனாவின் புனித விலங்காக கருதப்படுவது- பன்றி.

தேன்கூட்டை கலைத்தால் தேனீக்கள் கொட்டும் என்பது உங்களுக்குத் தெரியும். ஆனால், அவற்றால் ஒரு முறை மட்டுமே கொட்ட முடியும். ஏனெனில், அவை கொட்ட பயன்படுத்தும் கொடுக்குகள் கொட்டியதும் எதிரியின் உடலிலேயே தங்கிவிடும்.

உலகில் இதுவரை அமைக்கப்பட்ட சாம்ராஜ்யங்களில் மிகப்பெரியது மற்றும் மிகவும் பலம்பொருந்தியது செங்கிஸ்கானுடையது. கிழக்கில் சீன கடலில் ஆரம்பித்து மேற்கே கருங்கடல் வரை விரிந்திருந்தது அந்த சாம்ராஜ்யம்.

1918\ல் பரவிய ஃப்ளு காய்ச்சல் மிக கொடூரமானது. இதில் ஆறு கண்டங்களிலும் உலக மக்களில் கிட்டத்தட்ட பாதிப் பேர் பாதிக்கப்பட்டனர்.  பிரபல கிரிக்கெட் ஆட்டகாரான கபில்தேவின் சுயசரிதையின் பெயர் By Gods-decree. இதன் பொருள்  ‘கடவுளின் தீர்ப்புப்படி’.

‘நம்பர் தியரி’யின் தந்தை என்று அழைக்கப்படுவர் பியரி-டி-பெர்மட் (pierre-de-Fermet) ஆனால், இவர் ஒரு வழக்கறிஞர். கணிதம் இவரது பொழுதுபோக்கு மட்டுமே!

உலகில் அதிகமாக திரைப்படங்கள் தயாரிக்கும் நாடு இந்தியா.

********************************************************************

நன்றி:- சு.வி

++++++++++++++++++++++++++++++++++++++++++++++++++++++


சிட்டுக்குருவி – கூடிவாழ்ந்தால் கோடி நன்மை – மு.அ. அபுல் அமீன் நாகூர்.


சின்னச் சின்ன சிட்டுக் குருவி

சிறகு விரித்து பறக்கும் குருவி

வண்ண வண்ண சாம்பல் நிறத்தில்
வனப்பாய் வானில் பறக்கும் குருவி!

கொட்டிக் கிடக்கும் தானியக் குவியலை
கூடி வந்து கூடி நின்று
தொட்டு தொட்டு கொத்தித் தின்று
கூடி பறந்து கூடு செல்லும்!

ஒன்றாய் வராமல் ஒன்றோடொன்று
சேர்ந்து வரும் சிட்டுக் குருவி
நன்றாய் செப்பும் பாடம் செவியுறுவீர்
கூடி வாழ்ந்தால் கோடி நன்மை!

##############################################################


——————————————————————————————-

நன்றி:- மு.அ. அபுல் அமீன் நாகூர். அஞ்சலக அதிகாரி(ஓய்வு), செல்பேசி:-00919943469691

தலைவர்:- ‍பெற்றோர் ஆசிரியர் கழகம் நாகூர், கௌதிய்யா துவக்கப்பள்ளி நாகூர், கிராம கல்விக்குழு நாகப்பட்டினம்.

துணைதலைவர்:- மத்தியஅரசு ஓய்வூதியர் சங்கம் நாகப்பட்டினம்,  ஜாமியா மஸ்ஜித் செய்யது பள்ளி நாகூர்.

பொருளர்:- நாகூர் தமிழ் சங்கம் நாகூர்.

உறுப்பின‌ர்:‍‍‍‍‍‍- த‌மிழ்நாடு நுக‌ர்வோர் இய‌க்க‌ம்.

நன்றி:- தினமணி 13-02-2010

இவர்களின் படைப்புகளில் சில

பத்தில் பத்து

ஹிஜ்ரத்

சிட்டுக்குருவி – கூடிவாழ்ந்தால் கோடி நன்மை

மனித நேயம்

ஆஷூரா நாளில் ஆரம்பம்

ஆந்தை – விஞ்ஞானச் செய்திகள்

ஏப்ரல் 15, 2010 1 மறுமொழி

ஆந்தைகளில் மிகவும் அதிகமாக காணப்படும் வகை பார்ன் ஆந்தைகள். (Barn Owls) இவை அனைத்துக் கண்டங்களிலும் (அண்டார்டிக்காவைத் தவிர) பரவலாகக் காணப்படுகின்றன. இதைத் தவிர உலகின் ஒவ்வொரு இடத்திலும் அந்த இடத்துக்குரிய ஆந்தைகள் காணப்படும்.

ஆந்தை இனத்தில் மொத்தம் 133 வகைகள் உண்டு. இவற்றில் குறிப்பிடத்தகுந்தவை Barn Owl, Burrowing Owl, Eagle Owl, Elf Owl, Little Owl மற்றும் Pygmies Owl.

ஆந்தையின் கண்கள் மற்ற பறவை களைப்போல் பக்கவாட்டில் அமைந் திருக்காது. மனிதர்களுக்கு இருப்பது போல் நேர் திசையைப் பார்க்கும் வண்ணம் அமைந்திருக்கும்.

இவற்றின் உடலைச் சுற்றியிருக்கும் இறக்கைகள் மென்மையானவை. அதனால்தான் இவை பறக்கும்போது சத்தம் வருவதில்லை.

ஆந்தைகளில் இருக்கும் வெவ்வேறு இனங்கள் 6 இன்ச்சிலிருந்து 28 இன்ச் வரை இருக்கும்.

ஆந்தைகளின் ஃபேவரிட் உணவு \ எலி போன்ற சிறிய விலங்குகள், சிறிய பறவைகள், பல்லிகள், பூச்சிகள், மீன்கள் மற்றும் தவளைகள்.

இவற்றின் எடை 3 பவுண்டு முதல் 9 பவுண்டு வரை இருக்கும். பெண் ஆந்தைகள் ஆண் ஆந்தைகளைவிடப் பெரியதாக இருக்கும்.

இவை வாழும் இடங்கள்: காடுகள், பாலைவனங்கள், புல்வெளிகள், வயல்வெளிகள் மற்றும் மரங்கள் நிறைந்த இடங்கள்.

ஆந்தைக் குஞ்சுகள் 15-லிருந்து 35 நாட்களுக்குள் முட்டைகளிலிருந்து வெளியே வரும்.

முதலில் பிறக்கும் குஞ்சுகளுக்கு இருக்கும் மிகப்பெரிய நன்மை இவற்றுக்கு உணவில் அதிகப்பங்கு கிடைக்கும் என்பதுதான். அதனால் உணவு குறைவாக இருந்தால் முதலில் பிறந்த குஞ்சுகள் மட்டுமே உயிர் வாழும். உணவு அதிகம் இருந்தால் அனைத்துக் குஞ்சுகளும் உயிர் வாழும்.

குஞ்சு பொரிக்கத் தயாராகும் ஆந்தைகள் ஒழுங்கான முறையில் கூடுகள் கட்டாது. பாறைகளின் விளிம்பிலோ, மரங்களில் வெறும் உதிர்ந்த இலைகள், இறக்கைகளின் மேலேயே முட்டையிடும்.

ஆந்தைகள் இரவில் மட்டுமே வேட்டைக்கு செல்லும். அதனால் இவற்றுக்கு காதுகள்தான் முதல் கண்கள்.

இரவானதும் ஆந்தைகள் தாழ்வாகப் பறந்து செல்லும். அப்போது எலி போன்ற சின்ன சின்ன மிருகங்கள் எழுப்பும் சத்தத்தைக் கொண்டு அந்த திசையில் பறந்து சென்று அவற்றை இரையாக்கிக்கொள்ளும்.

ஒரு சிறிய சத்தம் கேட்டதும் ஆந்தை தன் தலையை இரு புறங்களிலும் மாற்றி மாற்றித் திருப்பி சத்தம் வரும் திசையைக் கண்டறிய ஆரம்பிக்கும்.

இரண்டு காதுகளிலும் ஒரே அளவு சத்தம் கேட்டால் ஆந்தை இரைக்கு சரியாக நேர்கோட்டில் இருக்கிறதென்று அர்த்தம். உடனே பறந்து சென்று இரையைத் துல்லியமாக பிடித்துவிடும்.

மற்ற பறவைகளைப்போல் கால்களில் பிடிக்காமல் ஆந்தை தன் அலகில்தான் இரையை கொண்டுசெல்லும்.

பெரிய இரைகளைக் கிழித்து சிறிது சிறிதாக்கி உண்ணும் வழக்கம் உள்ளவை ஆந்தைகள். அதுவே சிறிய இரையாக இருந்தால் அப்படியே முழுசாக விழுங்கிவிடும்.

********************************************************************

நன்றி:- சு.வி

++++++++++++++++++++++++++++++++++++++++++++++++++++++

ரத்தம் மனிதனுக்குள்ளே ஒரு மிருகம்! – மதன்


ரத்தம் என்பது இயற்கை உருவாக்கிய ஒரு பேராச்சரியம்! உடலுக்குள்ளே ஓடும் ஜீவநதி அது. கடைசி மூச்சும், இதயத்துடிப்பும் நிற்கும் வரை உள்ளே இந்த நதி சளைக்காமல் ஓடிக் கொண்டிருக்கிறது!

உடலுக்குள்ளே கிளைகள் விட்டுப் படர்ந்திருக்கும் ரத்தக் குழாய்களின் மொத்த நீளம் ஒரு லட்சம் மைல்கள். இது பூமியின் நான்கு மடங்கு சுற்றளவு!

மனித உடலிலுள்ள ரத்தம் (மற்றுமுள்ள திரவங்களைப்) பற்றிய ஆராய்ச்சிக்கு ஸராலஜி என்று பெயர். ‘ஸர’ என்கிற சமஸ்கிருத வார்த்தையிலிருந்து வந்தது இது. ‘ஸர’ என்றால் ஓடுவது – டொ fலொந் என்று அர்த்தம்!

ரத்தத்துக்கு இரு ‘முகங்கள்’ உண்டு! ஒன்று | அது மருத்துவர்களுக்குக் காட்டும் (நமக்கு ஓரளவுக்குத் தெரிந்த) முகம். மற்றது | போலீஸுக்குக் காட்டும் முகம்! இந்தத் தொடரில், ரத்தம் மிக முக்கியமாக பங்கேற்பதால், அதன் ‘இரண்டாவது முகம்’ பற்றி நாம் கொஞ்சமாவது தெரிந்து கொள்ள வேண்டியிருக்கிறது!

மருத்துவ சம்பந்தமாக மட்டும் அல்லாமல் போலீஸாரின் கோணத்திலும் ரத்தத்துக்கு நாமெல்லாரும் நன்றிக் கடன் பட்டிருக்கிறோம். எத்தனை கொலைகாரர்களைக் கண்டுபிடிக்க அது உதவியிருக்கிறது!

ஒவ்வொரு மனிதனின் எடையில் ஒன்பது சதவிகிதம் எடையுள்ள ரத்தம் அவன் உடலில் ஓடுகிறது. அதாவது நூறு கிலோ எடையுள்ள மனிதனின் உடலில் ஓடும் ரத்தத்தின் எடை ஒன்பது கிலோ!

கொலைகாரர்களுக்கு மிகுந்த பிரச்னை தருவது ரத்தம்! கழுத்தை நெரித்துக் கொன்றால்கூட உடலுக்குள் உறைந்து நின்று போன ரத்தம் பல தகவல்களை போலீஸுக்குத் தெரியப்படுத்திவிடும்!

ஒரு கொலைகாரன் கொலை யின்போது சிதறிய ரத்தத்தை மெனக்கெட்டு எவ்வளவு துப்புரவாக துடைத்து அகற்றப் பார்த்தாலும் அது பிடிவாதமாக எங்கேயாவது ஒளிந்து கொண்டு தன் எஜமானைக் கொலை செய்தவனை போலீஸில் காட்டிக் கொடுக்க போராடும்! ரத்தம் அந்த அளவுக்கு மிகவும் விசுவாசமானது!

சென்ற நூற்றாண்டில் பிரான்ஸில் வசித்த கஸ்டாஃப் மேஸ் என்னும் புகழ் பெற்ற துப்பறியும் நிபுணர் ரத்தத்தின் விசுவாசத்தின் மீது மிகுந்த நம்பிக்கை வைத்தவர். 1869|ல் பாரிஸில் பியர் வாய்ர்போ என்பவனின் வீட்டில் நடந்த கொலைக்குப் பிறகு, கொலைகாரன் அந்த வீட்டை முழுக்கப் புதுப்பித்திருந்தான்! அப்படியும் விடாமல் வீட்டை நுணுக்கமாக சோதனையிட்டார் மேஸ். தரையில் இரு ‘டைல்ஸ்’ இணையும் கோட்டுப் பகுதியில் ஊசி முனையளவு துவாரத்துக்குள் அவர் சற்று தண்ணீரை ஊற்றிப் பார்த்தபோது அது குட்டியாகக் கொப்பளித்தது. அந்த டைல்ஸை அகற்றியபோது உள்ளே ஒரு முற்றுப்புள்ளி அளவு ரத்தம் ஒளிந்து கொண்டிருந்தது. அந்த டைல்ஸ் பகுதியை அப்படியே பெயர்த்தெடுத்துச் சென்று சோதித்து கொலையுண்டவரின் ரத்தம் அது என்று நிரூபித்தார் மேஸ். பிறகு கொலைகாரன் குற்றத்தை ஒப்புக் கொண்டான்!

ஒரு துளி ரத்தம் கிடைத்தால்கூடப் போதும். காவல்துறையில் உள்ள தடய நிபுணர்கள் அதை வைத்துக் கொண்டு படிப்படியாக துப்பறியத் தொடங்குவார்கள். முதலில் அது ரத்தம்தானா? எனில் அது மனித ரத்தமா? ஆணுடையதா, பெண்ணுடையதா? இறந்தவரின் வயது என்ன? ரத்த குரூப் என்ன? ஏதாவது நோய் உண்டா? என்ன மருந்துகள் உபயோகித்தார்? ரத்தம் சிந்தி எத்தனை மணிநேரம் ஆனது?… போன்ற பல விஷயங்களை துளியூண்டு ரத்தத்தை வைத்துக் கொண்டு கண்டுபிடிக்க முடியும்!

சில சமயம் ரத்தத்தில் விரல் ரேகைகளும் பதிந்திருக்கலாம்! இறந்தவரின் நக இடுக்குகளில் கொலையாளியின் சதையும் ரத்தமும் ஒளிந்து கொண்டிருக்கலாம் | கொலைக்கு முன் இறந் தவர் போராடியிருந் தால்! ரத்தம் கண்ணுக்குத் தெரியாவிட்டாலும் குறிப்பிட்ட இடத்தில் ரத்தம் சிந்தி, பிறகு அது துப்புரவாக துடைக்கப்பட்டிருக் கலாம் என்று போலீஸ் சந்தேகித்தால் ‘காஸில்|மேயர்’ என்னும் ஒரு சோதனையை மேற்கொள்வார்கள். அதாவது தரையில் ரத்தம் முழுக்கத் துடைக்கப் பட்டிருந்தாலும் பெனால்ஃப்தலீன் என்னும் கெமிக்கலை அங்கே விட்டால், அந்த இடம் ரோஸ் கலராக மாறும்! ரத்தம் அங்கே சிந்தப்பட்டிருக்கிறது என்று தெரிந்துவிடும்!

சிந்திய ரத்தத்தையும் கத்திக் குத்துக் காயத்தையும் வைத்து எந்த வகை ஆயுதம் பயன்படுத்தப்பட்டது, எவ்வளவு உயரத்திலிருந்து ரத்தம் சிந்தியிருக்கிறது என்பதையெல்லாம் கண்டுபிடிக்க முடியும். கூரையில்கூட ரத்தத்துளிகள் இருக்கலாம்! கொலையாளி ஒரு கோடாலியால் பல முறை உயரத் தூக்கி வெட்டும் போது ரத்தம் கூரைக்குப் பறக்கும்! ரத்தம் ‘தகவல்களை அள்ளித் தரும் ஒரு பொக்கிஷம்’ என்று போலீஸார் சொல்வது நூறு சதவிகிதம் உண்மை!

முதன்முதலில் காயம்பட்டு ரத்தம் வெளியேறியதைப் பார்த்த மனிதன் எந்த அளவுக்கு கலவரப்பட்டுப் போயிருப்பான் என்பதை நம்மால் ஊகிக்க முடியும்! இப்போதும் ‘தைரியமான’ பலர் ரத்தத்தைப் பார்த்த மாத்திரத்தில் தடாலென்று மயக்கம் போட்டு விழுவதை வாசகர்கள் பார்த்திருக்கலாம்!

பண்டைய காலத்திலிருந்து ரத்தம் மனிதனைப் பல விதங்களில் ஈர்த்தது. ரத்தத்தைப் பற்றிய பல மூடநம்பிக்கைகள் இன்றளவும் உண்டு. ஒரு விலங்கின் ரத்தத்தைக் குடித்தால் அதன் ஆன்மா(சொஉல்) நம் உடலுக்குள்ளே போய்விடும் என்கிற நம்பிக்கை உலகெங்கும் உண்டு. இந்தியா உட்பட, பல நாடுகளில் ஆடு, மாடுகளைப் பலி கொடுத்தவுடன் அதன் ரத்தத்தை பூசாரியும், பிறகு மற்றவர்களும் குடிப்பது தெரிந்த விஷயம்! நார்வேயில் வசிக்கும் பழங்குடி மக்கள் கரடியைக் கொன்று அதன் ரத்தத்தைக் குடித்தால் கரடியின் பலம் தங்களுக்கு வரும் என்று நம்புகிறார்கள். ஆப்பிரிக்காவில், மஸாய் இன மக்கள் சிங்கத்தைக் கொன்று அதன் ரத்தத்தைக் குழந்தை களின் உடல் முழுவதும் தடவி விடுகிறார்கள்!

முதன் முதலில் கச்சித மான சிறு கப்பல்களைக் கட்டிய வைகிங்ஸ் இனத்தினரிடையே, எதிரிகளைக் கட்டி கப்பலுக்கு முன்னே படுக்க வைத்து, அவர்களை தரையோடு தரையாகத் தேய்த்தபடியே வெள்ளோட்டம் விட்டு, கடலை சிவப்பாக்குவது ஒரு சம்பிரதாயம். அதைப் பின்பற்றித்தான் இன்றும் கூட புதிய கப்பல்கள் கட்டி முடித்த பிறகு சிவந்த மது அடங்கிய பாட்டிலை (தேங்காய் மாதிரி) கப்பல் மீது வீசி உடைத்த பிறகே கப்பலை கடலுக்குள் இறக்குகிறார்கள்!

இதெல்லாம் சரி! உண்மையிலேயே ரத்தக் காட்டேரிகள் (Vஅம்பிரெச்) உண்டா?!

————————————————————–

நன்றி:-மதன்

நன்றி:- ஜூ.வி

++++++++++++++++++++++++++++++++++++++++++++++++++++++

சிரிப்பு மாமு சிரிப்பு!


கோட்டு சூட்டில்நீ வெள்ளைக்காரண்டா!
பாண்ட் சட்டையில் சூப்பர் ஹீரோடா!
வேட்டி துண்டில் புது மாப்பிள்ளைடா!
உனக்கு சூப்பர் டிரஸ்ஸிங்சென்ஸ் மாப்ளே!
ஆனா, ஒரு சந்தேகம்…போட்டிருக்கிற பனியனாவது உன்னுதாடா?

———————————————-

முகப்பருவுக்குத் துளசிச்சாறு..முடி வளர செம்பருத்தித் தைலம்..புருவத்துக்கு விளக்கெண்ணெய்..என எனக்காக எஸ்.எம்.எஸ்.மூலம் டிப்ஸ் மழையே பொழிகிறாய்!

உனக்காக நானும் தேடித் திண்டாடிக்கண்டுபிடித்த டிப்ஸ்| வாய்துர் நாற்றத்துக்கு வேப்பிலை துவையல்!

———————————————-

நண்பா, ஒரு டம்ளர் அரிசிக்கு இரண்டு டம்ளர் என்ற அளவில் தண்ணீர் ஊற்று… குக்கரில் மூன்று விசில் சத்தம் வந்ததும் கேஸ் ஸ்டவ்வை ஆஃப் செய்துவிடு… Wish you a happy married life!

——————————————

மேகங்கள் திரண்டு வருவது பிடிக்கும்…அப்போது எழும் மண்வாசனை பிடிக்கும்… அடைமழை பிடிக்கும்… ஆலங்கட்டி மழை பிடிக்கும்… ஆனா, எனக்குச் சாரல் மட்டும் பிடிக்காதுடா…கொஞ்சம் தள்ளி நின்னே பேசு!

————————————————-

21-G பஸ் பயணத்தில்உனக்கு டிக்கெட் வாங்க | நீதந்த சில்லறையை வாங்கும்போது எதேச்சையாக நிகழ்ந்த உந்தன்சுண்டுவிரல் நகத்தீண்டலில்நான் உயிர் துடித்துப்போனேன்! அடச்சீ… இவ்வளவு கூர்மையாகவா நகம் வளர்ப்பார்கள்? முதலில் அதை வெட்டித்தொலை!

————————————————

ஞானிகளுக்கும் உனக்கும் சின்ன வித்தியாசம்தாண்டா… அவர்கள் போகும் இடம் சந்தோஷமா இருக்கும். நீ விடைபெற்றுப் போகும் இடம் சந்தோஷமா இருக்கும்!

———————————————

மானத்தில் நீ கவரிமான்..
நன்றியில் நீ நாய்..
தந்திரத்தில் நீ நரி..
கம்பீரத்தில் நீ யானை..
வேகத்தில் நீ முயல்..
ஒற்றுமையில் நீ காகம்…
ஆக, மொத்தத்தில்
நீ மனுஷனே இல்லைடா!

——————————————-

நண்பா, உன்னுடைய உதவி மிகவும் அவசரமாகத் தேவைப்படுகிறது. ஹாஸ்பிடலில் குளோரோஃபார்ம் (மயக்கமருந்து) தீர்ந்துவிட்டது. உன்னுடைய சாக்ஸை உடனே அனுப்பிவை!

——————————–

நேத்து உன்னையும் உன் தம்பியையும் ஸ்பென்ஸர்ல பார்த்தேன். நிச்சயமா எனக்கு ஏதோ அதிர்ஷ்டம் அடிக்கப்போகுது! பின்னே… ரெண்டு கழுதைகளைச் சேர்ந்து பார்த்தா அதிர்ஷ்டம் அடிக்குமாமே!

——————————————
நேத்து உன்னைப் பார்க்க உன் ரூமுக்கு வந்தேன். நல்ல வெயில் நேரம். ஃபேன்கூட இல்லாத ரூமில் குப்புறப்படுத்துத் தூங்கிட்டிருந்தே. சரி, சரி… புரியுது! எருமையால மல்லாக்கப் படுக்கமுடியாதே..!

————————–

நண்பா.. நீ என்னை ஊருக்கு வழியனுப்ப வந்த நாளை என்னால மறக்கமுடியாதுடா! கட்டிப்பிடித்து, முதுகைத் தட்டிக்கொடுத்து ‘ஆல் தி பெஸ்ட்’ சொல்லி, படுபாவி என்னோட பர்ஸை அடிச்சிட்டியேடா!

……………………………….

அன்பான உன் ஆலோசனைக்கு நன்றி! அதுசரி.. முடிந்தவன் சாதிக்கிறான். முடியாதவன் போதிக்கிறான்!

…………………………………….

புதுபாண்ட்..புது சட்டை.. புது செல்போன்.. கலக்குறே கணேசா! பிரமாதம்!

ஆமா.. எல்லாம் எங்கேடா சுட்டே?!

…………………………………….

என்னைவிட்டு நீ ரொம்பத் தூரம் போயிட்டாலும், என்னைச் சந்திக்கவே வரலைன்னாலும், போன்கூடப் பண்ணலைன்னாலும், எத்தனை வருஷமானாலும் சரி.. மறக்க முடியுமா உன்னை? சரியான குரங்கு மூஞ்சி!

………………………………………

நான் சூரியன்… நீ நிலா! நிலா சூரியன்கிட்டேர்ந்து வெளிச்சத்தை வாங்கும். நீ என்கிட்டேயிருந்து பணம் வாங்குவே! ஆனா, ரெண்டு பேருமே திருப்பித் தரமாட்டீங்க!

……………………………….

அன்பே, ஹாப்பி பர்த்டே டு யூ! நீ எப்பவும் இதே பதினைந்து வயதில் இருக்க கடவுளைப் பிரார்த்திக்கிறேன். ஏன்னா குட்டியா இருந்தாதான் கழுதைக்கு அழகு!

……………………………………………..

நண்பா, அவசரமாக உன்னைப் பார்க்கணும். செல்போனுக்கு அழைத்தேன். ‘ஸ்விட்சுடு ஆஃப்’ என்றது! மெஸேஜ் கொடுத்தேன்… ‘பெண்டிங்’. என்ன செய்வது? நகரில் அன்னதானம் எங்கே நடக்கிறது என்று விசாரித்துக்கொண்டிருக்கிறேன்!

………………………………………………

வித்தவுட் விசுவநாதா..! நீண்ட இடைவெளிக்குப் பிறகு வானிலை அறிவிப்புகளையெல்லாம் பொய்யாக்கி நேற்று நம் ஏரியாவில் செம மழை பெஞ்சுதே.. என்னடா ஆச்சு? நேற்று நீ பஸ்ல டிக்கெட் எடுத்திட்டியா?

===========================================================

நன்றி:- .வி

@@@@@@@@@@@@@@@@@@@@@@@@@@@@@@@@@@@@@@@@@@@@@@@@

கூந்தலின் ஜீவன்! – சந்தியா செல்வி


குழாயில் தண்ணீர் வராதது, டீன் ஏஜ் பையன் சொன்ன பேச்சு கேட்காதது போல முடி கொட்டுவதும் நிரந்தரக் கவலையாகி விட்டது. ‘அந்தக் காலத்துலயெல்லாம் இப்போ இருக்கிற மாதிரி ரெண்டு மடங்கு முடி ஒரு சடைக்கு மட்டும் இருக்கும்‘ என்று வருந்துகிற பலரும் ‘ஏன் இப்படியாச்சு?’ என்று யோசிக்கிறோமா?

‘‘யோசிப்பது மட்டுமல்ல.. கொட்டுவதற் குத் தடை போடுவதும் அவசியம்‘‘ என்கிறார் ரம்யா’ஸ் பியூட்டி பார்லர் வைத்திருக்கிற சந்தியா செல்வி. அவர் தருகிற கூந்தல் டிப்ஸ்களைப் பார்க்கலாமா?

‘பொடுகு, பேன், செம்பட்டை, முடி உதிர்தல், வறண்ட கூந்தல்’ என்று ஒவ்வொன்றுக்குமான ஸ்பெஷலிஸ்ட் கூந்தல் பராமரிப்புப் பொருள்கள் மார்க்கெட்டில் கிடைக்கின்றன. மருத்துவர் அல்லது தகுந்த அழகுக் கலை நிபுணரின் அறிவுரையில் இவற்றை உபயோகிக்கலாம்தான். ஆனால், விளம்பரத்தில் மயங்கி மாற்றிக் கொண்டே இருந்தாலோ, உங்கள் கூந்தலுக்குப் பொருந்தாத ஒன்றைத் தேர்வு செய்து விட்டாலோ பிரச்னைதான். எனவே, தரமான ஷாம்புவுக்கு முதலில் மாறுங்கள்.

உணவில் தொடங்குகிறது கூந்தல் ஆரோக்கிய ரகசியம். கீரை, பச்சைக் காய்கறிகள், பழங்கள், புரதச் சத்துள்ள பொருட்கள் இவற்றைக் கண்டிப்பாக உணவில் சேர்த்துக் கொள்ளவேண்டும். இதோடுகூட, வீட்டில் இருக்கிற பொருள்களை வைத்து கூந்தலைப் பராமரிப்பது பற்றிப் பார்க்கலாம்.

சாதாரணமானது, எண்ணெய்ப் பசை கொண்டது, வறண்டது, இரண்டும் கலந்தது என்று தலைமுடி நான்கு வகைப்படும்.

வேர்க்காலில் தொடங்கி அடிமுடிவரை பளபளவென்று ஆரோக்கியமாக இருப்பதுதான் சாதாரண கூந்தல். மற்றவர்கள் பொறாமைப்படும்படியான கூந்தல் கொண்ட நீங்கள் வாரம் ஒருமுறை அதற்கு எண்ணெய் மசாஜ் செய்யவேண்டும். பிறகு, முட்டையின் வெள்ளைக்கருவு டன் ஒரு எலுமிச்சை பிழிந்து வேர்க்கால் தொடங்கி அடி முடி வரை தடவி அரை மணி நேரம் கழித்துத் தலைக்குக் குளித்து வந்தாலே விளம்பரக் கூந்தலாய் மின்னும்.

தலைக்குக் குளித்த அன்று புஸ்புஸ்ஸென்று அழகாக இருக்கும். மறுநாளே ஒரு லிட்டர் எண்ணெயைத் தலையில் கவிழ்த்தியதுபோல பிசுக்பிசுக்காகிவிடும். இதுதான் எண்ணெய்ப்பசை கூந்தல்.

சீயக்காய் அரை கிலோ, புங்கங்காய் 100 கிராம், பச்சைப் பயறு 100 கிராம், வெந்தயம் கைப்பிடி அளவு, பச்சரிசி 2 கைப்பிடி அளவு எடுத்து, அரைத்து ஷாம்புவுக்குப் பதிலாக உபயோகித்து வந்தால் கூந்தல் அலை மாதிரி அசைந்தாடும்.

ஜீவனே இல்லாமல் வறண்டுபோய் வெடிப்பு வெடிப் பாக இருப்பதுதான் வறண்ட கூந்தல். இயல்பாகவே தலைப்பகுதியில் எண்ணெய்ச் சுரப்பு குறைவாக இருக்கும் உங்களுக்கு. பராமரிக் காமலும் விட்டால் அவ்வளவுதான். நீங்கள் வாரம் ஒருமுறையாவது ஆயில் மசாஜ் செய்ய வேண்டும். முந்தின நாள் இரவே வேர்க்கால் முதல் அடிமுடி வரை எண்ணெய் தடவி மசாஜ் செய்யுங் கள். அடிமுடியில் அதிக எண்ணெய் தடவுங்கள். மறுநாள் தேங்காய் எண்ணெய் அல்லது ஆலிவ் எண்ணெயுடன் முட்டையின் வெள்ளைக் கருவைக் கலந்து மசாஜ் செய்து, பிறகு குளியுங்கள் (முட்டையின் மஞ்சள் கரு உங்கள் கூந்தலுக்கு அற்புதமான மருந்து. கூந்தலை அலசிய பிறகும் முட்டை வாசனை வருவது பற்றிக் கவலை இல்லையெனில், மஞ்சள் கரு உபயோகிக்கலாம்.).

தலைப் பகுதியில் எண்ணெய்ப் பசையுடனும் கீழே செல்லச்செல்ல வறண்டும் இருப்பது இரண்டும் கலந்த கூந்தல். கூந்தலின் அடிப்பகுதிக்கு மட்டும் நிறைய எண்ணெய் தடவி, ஒரு மணி நேரம் கழித்துக் குளியுங்கள். தலையை நன்றாக அலசிய பிறகு, கடைசி மக் தண்ணீரில் ஒரு எலுமிச்சை அல்லது கொஞ்சம் வினிகர் சேர்த்து அந்தத் தண்ணீரை அப்படியே தலையில் ஊற்றி விட்டு வெளியே வாருங்கள். தலைக்குக் குளிக்கும்போதெல்லாம் இதை மறக்காமல் செய்வதுதான் உங்களுக்கான பராமரிப்பு.

மசாஜ் எப்படிச் செய்வது என்று பார்க்கலாமா?

பஞ்சில் எண்ணெயை நனைத்து, கூந்தலை வகிர்ந்து தடவுங்கள். இதை தலை முழுக்கச் செய்யுங்கள்

விரல் நுனிகளில் எண்ணெய் தொட்டு தலை முழுக்கவும் வட்ட வட்டமாக கடிகாரச் சுற்றிலும், எதிர்த்திசையிலும் லேசாக அழுத்தம் கொடுத்தபடி தடவுங்கள்

கோதுங்கள்.

இரு கைகளாலும், தலை முழுக்க மென்மையாகக் குத்துங்கள்.

தலை முழுக்க எண்ணெய் தேய்த்த பிறகு, முறுக்கிக் கொண்டையாகப் போடுங்கள். மசாஜ் ஓவர்.

அட.. ரொம்ப சுலபமான வேலையாச்சே என்கிறீர்களா?

————————————————————–

நன்றி:-சந்தியா செல்வி

நன்றி:- அ.வி

++++++++++++++++++++++++++++++++++++++++++++++++++++++